"Liverpul" "Brayton"dan Aleksis Mak Allisteri heyətinə qatıb.
"Operativ Məlumat Mərkəzi-OMM" xəbər verir ki, bu barədə Jurnalist Fabrizio Romano məlumat yayıb.
"Liverpul" yarımmüdafiəçinin "Brayton" ilə müqaviləsində göstərilən sərbəstqalma bəndini aktivləşdirib. Transfer 35 milyon funt-sterlinq (40,7 milyon avro) qarşılığında baş tutub.
Futbolçu ilə müqavilə 2028-ci ilin iyun ayına kimi nəzərdə tutulub.
Xatırladaq ki, Aleksis bu mövsüm "Brayton"da 40 oyunda 12 qol vurub və 3 məhsuldar ötürmə edib. Dekabrda isə Argentina millisinin tərkibində dünya çempionu olub.
