Lənkəranda 3 nəfərin xəsarət alması ilə nəticələnən yol qəzası baş verib.
"Operativ Məlumat Mərkəzi-OMM"-in məlumatına görə, hadisə Ələt-Astara magistralının Lənkəran rayonun Qurumba kəndi ərazisindən keçən hissəsində qeydə alınıb.
Rayonunun Cil kənd sakini 2002-ci il təvəllüdlü Sübhan Salam oğlu Həbibzadənin idarə etdiyi traktor Astara rayonunun Şümrüd kənd sakini, 1990-cı il təvəllüdlü Nahid Şadoğlan oğlu Məmmədovun idarə etdiyi “Mitsubishi” pikap markalı avtomobilə çırpılıb.
Zərbənin təsirindən traktor aşıb. Tarktorun sürücüsü, eləcə də pikapda olan sərnişinlər, Astara rayonun Pəlikeş kənd sakinləri, sürücünün qardaşı 1986-cı il təvəllüdlü Mövlud Şadoglan oğlu Məmmədov və həmkəndlisi 1978-ci il təvəllüdlü Araz Qulamhüseyn oğlu Əzimov müxtəlif dərəcəli bədən xəsarətləri alıblar.
Yaralılar Lənkəran rayon Mərkəzi Xəstəxanasına yerləşdiriliblər.
Faktla bağlı araşdırma aparılır.
