"ABŞ bütün aparıcı ölkələrin iqtisadiyyatına və enerji marşrutlarına nəzarəti ələ keçirməyə çalışır".
"Operativ Məlumat Mərkəzi-OMM" xəbər verir ki, bunu Rusiyanın xarici işlər naziri Sergey Lavrov beynəlxalq BRICS TV kanalına verdiyi müsahibədə bildirib.
Diplomat deyib ki, amerikalılar Avropa qitəsində 2022-ci ilin sentyabrında partlayan "Şimal Axını" və "Şimal Axını 2" qaz kəmərlərinə, eləcə də Ukrayna qaz nəqli sisteminə və "Türk Axını"na "baxırlar".
Lavrov əlavə edib ki, ABŞ ədalətli rəqabət standartlarına cavab verməyən bir sıra alətlər vasitəsilə qlobal iqtisadiyyata təsir göstərməyə çalışır. O, Tramp administrasiyasının artırılmış tariflərdən və sanksiya təzyiqlərindən istifadə etməsini nümunə göstərib.
Nazir həmçinin bildirib ki, ABŞ-nin qlobal iqtisadiyyatda təsiri və çəkisi azalır, eyni zamanda Qlobal Cənubdakı ölkələrin beynəlxalq səhnədə yüksəlişi müşahidə olunur.
