"İlham Əliyevin Ermənistanla Laçın dəhlizi arasında keçid məntəqəsinin quraşdırılması təklifi qəbuledilməzdir".

"Operativ Məlumat Mərkəzi-OMM" xəbər verir ki, bunu Ermənistanın xarici işlər naziri Ararat Mirzoyan bildirib.

O, qeyd edib ki, Münhendə Ermənistanla sərhəddə və Laçın dəhlizinin başladığı ərazidə keçid məntəqəsinin quraşdırılması ideyası səsləndirilib.

"Cavabımız aydındır. Laçın dəhlizinin parametrləri digər məsələlərlə yanaşı, Azərbaycan Prezidenti tərəfindən də müzakirə edilib və imzalanıb. Söhbət 9 noyabr sənədindən gedir. Laçın dəhlizinin parametrləri ilə bağlı yeni danışıqların, üstəlik, güc tətbiqi təhlükəsi altında aparılması bizim üçün qəbuledilməzdir. Azərbaycan Laçın dəhlizinin açılması müqabilində dəhliz alacağını gözləyir. Biz güc tətbiqi hədələri əsasında mövcud razılaşmaların dəyişdirilməsi cəhdlərini istisna edirik. Ermənistan istənilən vaxt bütün regional kommunikasiyaların blokunu açmağa hazırdır, lakin onlar keçdikləri ölkələrin suverenliyi çərçivəsində fəaliyyət göstərməlidirlər".

İşğaldan azad edilmiş ərazilərdə həyata keçirilən humanitar minatəmizləmə əməliyyatları ilə bağlı həftəlik məlumat açıqlanıb.

Bu barədə "Operativ Məlumat Mərkəzi-OMM"-ə Azərbaycan Minatəmizləmə Agentliyindən (ANAMA) bildirilib.

Məlumata əsasən, azad olunan ərazilərdə 6-12 may 2024-cü il tarixi ərzində 32 tank əleyhinə mina, 6 piyada əleyhinə mina, 358 partlamamış hərbi sursat (PHS) aşkarlanıb və zərərsizləşdirilib.

Həmçinin, 880.3 hektar ərazi minalardan təmizlənib.

Qeyd edək ki, minatəmizləmə əməliyyatlarını ANAMA, Müdafiə Nazirliyi, Fövqəladə Hallar Nazirliyi və Dövlət Sərhəd Xidməti həyata keçirib.

Müharibə zamanı (Vətən müharibəsi) xarici media nümayəndələrinə müsahibələrim olub. Ancaq təbii ki, müharibədəki planlarımızla bağlı heç bir şey deyə bilməzdim. Sadəcə olaraq, bir dəfə mənə Şuşa haqqında sual veriləndə dedim ki, Şuşasız bizim işimiz yarımçıq qalacaq. Hesab edirəm hər kəs anladı ki, Şuşa azad olunmadan biz dayanmayacağıq.

"Operativ Məlumat Mərkəzi-OMM" xəbər verir ki, bu barədə Azərbaycan Respublikasının Prezidenti İlham Əliyev Şuşaya qayıdan ilk sakinlərə mənzillərinin açarlarının təqdim edilməsi mərasimində çıxışı zamanı bildirib.

“Şuşa bizim əyilməz ruhumuzun rəmzidir. Şuşa hər bir Azərbaycan vətəndaşının qəlbində elə bir böyük iz buraxıb ki, müharibənin Şuşasız uğurla başa çatması mümkün deyildi”, - deyə dövlət başçısı əlavə edib.

Azərbaycan Prezidenti İlham Əliyev doğma şəhərə qayıdış münasibətilə şuşalıları təbrik edib.

"Operativ Məlumat Mərkəzi-OMM" xəbər verir ki, Şuşaya qayıdan ilk sakinlərə mənzillərinin açarlarının təqdim olunması mərasimində çıxış edən dövlətimizin başçısı deyib:

“Otuz iki ildən sonra siz doğma Şuşaya qayıdırsınız. Bu gözəl tarixi hadisə münasibətilə sizi ürəkdən təbrik edirəm. Siz otuz iki il vətən həsrəti ilə yaşamısınız, amma bilirəm ki, bir an da Şuşanı unutmamısınız, bilirdiniz və inanırdınız ki, siz buraya qayıdacaqsınız. Mən də bilirdim, mən də inanırdım və Prezident kimi 2003-cü ildən başlayaraq sizi və bütün keçmiş köçkünləri öz doğma vətəninə qaytarmaq üçün əlimdən gələni əsirgəmirdim”.

Azərbaycan və Ermənistan sərhədlərin delimitasiyası çərçivəsində müvafiq əraziləri birgə minalardan təmizləyib və coğrafi koordinatları dəqiqləşdirib.

"Operativ Məlumat Mərkəzi-OMM" “Sputnik-Armeniya”ya istinadən xəbər verir ki, bunu Almatıda Azərbaycanın xarici işlər naziri Ceyhun Bayramov bildirib.

Onun sözlərinə görə, sərhəd dirəklərinin quraşdırılması demək olar ki, başa çatıb.

O, həmçinin xatırladıb ki, Berlin görüşündən sonra tərəflər sülh sazişi layihəsi ilə bağlı fikir mübadiləsi aparıblar.

Azərbaycan ilə Ermənistan arasındakı sərhəddə koordinatların dəqiqləşdirilməsi işləri çərçivəsində aparılan geodeziya ölçmələri əsasında nəzərdə tutulan işlərin yarısından çoxu 2024-cü il aprelin 29-dək yerinə yetirilib, 35 sərhəd dirəyi quraşdırılıb.

"Operativ Məlumat Mərkəzi-OMM" xəbər verir ki, bu barədə Azərbaycan Baş nazirinin müavini Şahin Mustafayevin Xidməti məlumat yayıb.

Qeyd olunub ki, hər iki dövlətin ekspert qruplarının işi davam edir.