ABŞ vətəndaşlarını Küveytdəki səfirliyin ərazisindən uzaq durmağa çağırır.
"Operativ Məlumat Mərkəzi-OMM" xəbər verir ki, bununla bağlı xarici KİV məlumat yayıb.
Bildirilib ki, səfirlik Küveytdəki ABŞ vətəndaşlarını evdə, ən aşağı mərtəbədə qalmağa və pəncərələrə yaxınlaşmamağa çağırıb.
Qeyd olunub ki, diplomatik heyət səfirlik binasında sığınacaq tapacaq.
Məlumat üçün bildirək ki, bu gün müxtəlif media orqanları ABŞ səfirliyinin ərazisindən tüstü qalxdığını bildirib. Lakin səfirliyin ərazisinin özünün hücumun hədəfi olub-olmadığı barədə heç bir məlumat yoxdur.
Küveyt hakimiyyəti daha əvvəl ölkənin müxtəlif yerlərində İran dronlarının ələ keçirildiyini bildirmişdi.
