OMM Redaksiyası
Portuqaliya millisinin kapitanı və hücumçusu Kriştiano Ronaldu milli komandanın məşqini buraxıb. Bu barədə Cabine Desportiva “X” sosial şəbəkəsində məlumat yayıb.
Məlumata görə, 41 yaşlı futbolçu stadionda gimnastika hərəkətlərini yerinə yetirmək üçün lazımi avadanlıq olmadığından məşqini oteldə keçirib.
Portuqaliya millisi sentyabrın 27-də UEFA Millətlər Liqasının A Liqasının 4-cü qrupunda Norveçi 2:1 hesabı ilə məğlub edib. Ronaldu görüşü ehtiyat oyunçular skamyasında keçirib və meydana çıxmayıb.
Matçın 17-ci dəqiqəsində Feliks Portuqaliyanı hesabda önə keçirib. Erlinq Haaland 51-ci dəqiqədə Norveçin bərabərlik qolunu vurub. Qonsalu Ramuş 54-cü dəqiqədə Portuqaliyaya qələbə qazandıran qola imza atıb.
Final fitindən sonra Portuqaliya millisinin kapitanı dərhal tribunaların altındakı paltardəyişmə otağına yollanıb.
