"Kreml Tehran və Vaşinqton arasında İranın nüvə dosyesi üzrə danışıqların nəticə verməsini və gərginliyin azalmasına gətirib çıxarmasını arzulayır".
"Operativ Məlumat Mərkəzi-OMM" xəbər verir ki, bu sözləri Kremlin sözçüsü Dmitri Peskov deyib.
“Biz hazırda Omanda başlamış danışıqları alqışlayırıq və bu danışıqların nəticəli olmasını, regionda gərginliyin deeskalasiyasına çıxış verməsini arzulayırıq”, – o qeyd edib.
Xatırladaq ki, bu gün ABŞ və İran Omanda Tehranın nüvə proqramı üzrə danışıqlar aparırlar. İran nümayəndə heyətinə xarici işlər naziri Abbas Araqçi, Amerika nümayəndə heyətinə isə ABŞ prezidentinin xüsusi elçisi Stiven Uitkoff rəhbərlik edir.
