Ukraynanın paytaxtı Kiyevin meri Vitali Kliçko şəhərdə yenidən partlayışlar olduğunu açıqlayıb.

"Operativ Məlumat Mərkəzi-OMM" xarici mediaya istinadən xəbər verir ki, bu barədə Ukraynanın paytaxtı Kiyevin meri Vitali Kliçko sosial media hesabından verdiyi açıqlamada bildirib.

Ukraynanın hava hücumundan müdafiə sistemlərinin Kiyevdə işlədiyini qeyd edən Kliçko, raket hissələrinin paytaxtın Desnyan, Podilsk və Obolonski rayonlarına düşdüyünü qeyd edib.

Hücum nəticəsində 1 nəfərin yaralandığını qeyd edən Kliçko Rusiya Kiyevin mərkəzi rayonlarını hədəfə aldığını vurğulayıb.

Macarıstanın xarici işlər naziri Peter Szijarto bildirib ki, Macarıstan Ukraynadakı münaqişənin həlli üçün Çinin sülh planını dəstəkləyir.

"Operativ Məlumat Mərkəzi-OMM" xəbər verir ki, bu barədə TASS məlumat yayıb.

Xarici İşlər Nazirliyi rəhbərinin sözlərinə görə, Ukraynada sülhə nail olmaq üçün atılan bütün addımları dəstəkləmək lazımdır. Szijarto Pekində Çinin xarici işlər naziri Vanq Yi ilə görüşündən sonra sosial şəbəkələrdə yayımlanan videomüraciətində "Çin sülh planını sırf mövcud olduğu üçün dəstəkləyirik" deyib.

Yaponiyanın İbaraki prefekturasının sahilyanı hissəsində 5 bal gücündə zəlzələ baş verib.

"Operativ Məlumat Mərkəzi-OMM" xəbər verir ki, bu barədə xarici KİV məlumat yayıb.

Yaponiya Meteorologiya İdarəsinin (JMA) verdiyi açıqlamada yerli vaxtla saat 20:40-da baş verən zəlzələnin 60 kilometr dərinlikdə qeydə alındığı bildirilib. Tokio, Toçiqi, Çiba və Fukusima əyalətləri ilə yanaşı İbarakidə də hiss edilən zəlzələ qısa müddətli çaxnaşma yaratsa da, sunami riskinin olmadığı qeyd edilib.

Uelsin Ammanford şəhərində məktəbə bıçaqlı hücum nəticəsində 3 nəfər yaralanıb.

"Operativ Məlumat Mərkəzi-OMM" xəbər verir ki, bu barədə xarici KİV məlumat yayıb.

İki təcili yardım vertolyotunun hazır vəziyyətdə saxlanıldığı hadisədən sonra bir çox valideyn sosial şəbəkədə məktəbin giriş-çıxışlarının bağlandığı barədə mesajlar paylaşıb.

Bölgəyə cavabdeh olan Dyfed-Powys Polis İdarəsindən verilən açıqlamada məktəbdə bıçaqlı hücumla bağlı 1 nəfərin nəzarətə alındığı bildirilib.

İordaniyada parlament seçkilərinin sentyabrın 10-da keçiriləcəyi açıqlanıb.

"Operativ Məlumat Mərkəzi-OMM" xəbər verir ki, bu barədə xarici KİV məlumat yayıb.

Belə ki, Kral Məhkəməsi Konstitusiyanın 34-cü maddəsinə uyğun olaraq seçkilərin keçirilməsi haqqında fərman verib. Fərmanın verilməsi ilə eyni vaxtda İordaniya kralı Abdullah da ölkədə bəyanat yayıb.

Kral Abdullah mövzu ilə bağlı verdiyi açıqlamada, "İordaniya parlament işində yeni mərhələnin başlanğıcını göstərən siyasi modernləşmə prosesində mühüm bir mərhələ ilə qarşı-qarşıyadır",- deyə qeyd edib.

Göyərtəsində 213 sərnişinin olduğu təyyarənin Yaponiyanın şimalındakı hava limanına enərkən qanadından tüstü qalxıb.

"Operativ Məlumat Mərkəzi-OMM" xəbər verir ki, bu barədə xarici KİV məlumat yayıb.

Belə ki, paytaxt Tokiodakı Haneda Beynəlxalq Hava Limanından havaya qalxan All Nippon Airways (ANA) 71 nömrəli reysi yerli vaxtla saat 18:30-da şimal Hokkaydo bölgəsindəki New Chitose hava limanına eniş edib.

Neft sızması səbəbindən uçuş-enmə zolağının ortasında dayanan təyyarənin qanadlarından ağ tüstü qalxıb.

Ekipajlar tüstünü nəzarətə götürərkən, sərnişinlər təxliyə edilib.