Ermənistanın sabiq müdafiə naziri David Tonoyan 44 günlük müharibəni araşdırmaq üçün yaradılmış komissiyaya dəvət olunacaq.
"Operativ Məlumat Mərkəzi-OMM" xəbər verir ki, bu barədə Ermənistanın “Joğovurd” nəşri yazıb.
Qeyd olunub ki, sabiq nazir hazırda Milli Təhlükəsizlik Xidmətinin təcridxanasında saxlanılır və onunla görüşün təşkili üçün iki variant müzakirə edilir: görüş üçün xüsusi icazə alınmalı və yaxud Tonoyan parlamentə gətirilməlidir.
Xatırladaq ki, Tonoyan ordu üçün sursat tədarükü zamanı sui-istifadədə ittiham olunur.
