“Kim Çen In yeni 600 mm-lik reaktiv yaylım atəş sistemini idarə edib”.
“Operativ Məlumat Mərkəzi-OMM” xəbər verir ki, bu barədə “Korean Central News Agency” (KCNA) məlumat yayıb.
Məlumata görə, Şimali Koreya lideri Kim Jong Un ölkə işçilərinin ordu və partiyaya 50 sistem təhvil verdiyi mərasimdə meydanda yeni iriçaplı çoxsaylı raket buraxıcısını şəxsən idarə edib.
Agentliyin yaydığı görüntülərdə Kim Çen Inın raket buraxıcısını idarə etdiyi, meydanda avtomobil sürdüyü, düzülmüş hərbi texnikaya və 25 Aprel Mədəniyyət Evinin meydanında toplaşan vətəndaşlara baxdığı əks olunub.
Qeyd edilir ki, söhbət süni intellekt elementləri ilə təchiz edilmiş 600 mm-lik çoxsaylı reaktiv yaylım atəş sistemindən (MLRS) gedir.
Məlumata görə, partiya qurultayına hədiyyə kimi son iki ay ərzində əlavə 600 mm kalibrli qurğular da istehsal olunub.
