Avropa İttifaqının (Aİ) xarici işlər və təhlükəsizlik siyasəti üzrə ali nümayəndəsi Kaya Kallas üzv ölkələrdə həyata keçirilən müdafiə layihələrinin əksəriyyətinin bir-biri ilə uyğun olmadığını vurğulayaraq, ortaq satınalma və innovasiya sahələrində daha çox əməkdaşlığın zəruri olduğunu bildirib.
"Operativ Məlumat Mərkəzi-OMM" xəbər verir ki, bununla bağlı xarici KİV məlumat yayıb.
Kallas əsas diqqətin innovasiya və ortaq layihələrə yönələcəyini deyib.
“Çünki gördüyümüz bir həqiqət var ki, üzv dövlətlərdə bir-biri ilə uyğun olmayan çox sayda layihə mövcuddur. Üzv ölkələri həm ortaq satınalma, həm də innovasiya sahəsində daha çox əməkdaşlığa təşviq etməliyik”, - o qeyd edib
Kallas ciddi həcmdə maliyyə ayrılmasına baxmayaraq müdafiə sənayesinin istehsalı kifayət qədər artırmadığını və sürətləndirmədiyini bildirib:
"Müdafiə istehsalımızı həqiqətən daha sürətlə artırmalıyıq. Bundan əlavə, ortaq satınalma yolu ilə ehtiyac duyduğumuz müdafiə imkanlarını özümüz istehsal edə biləcək vəziyyətə gəlməliyik”.
