"Qarabağ" klubunun futbolçusu Kadi Borges iki oyunluq cəza ilə üzləşib.
“Operativ Məlumat Mərkəzi-OMM” xəbər verir ki, bu qərar AFFA İntizam Komitəsi tərəfindən verilib.
Cəzaya səbəb braziliyalı yarımmüdafiəçinin Misli Premyer Liqasının XX turunda "İmişli" ilə oyunda birbaşa qırmızı vərəqə almasıdır.
Bu ciddi qayda pozuntusuna görə "Köhlən atlar" klubu 1 000 manat məbləğində cərimə ödəyəcək.
"İmişli" klubunun legioneri Dioqo Almeyda da cəzasız qalmayıb. Hakimin qərarına etiraz etdiyi üçün ikinci sarı vərəqə ilə meydandan qovulan futbolçu bir matç cəzalanıb.
Bölgə təmsilçisi həmçinin 2 500 manat cərimələnib. Bundan əlavə, klub oyunun fasiləsində meydana kənar şəxsin daxil olmasına görə daha 2 500 manat ziyana düşüb.
Görüşün sonlarında isə Ağdam klubunun azarkeşləri tərəfindən pirotexniki vasitədən istifadə edilib. Bu hal cari mövsümdə üçüncü dəfə təkrarlandığı üçün "Qarabağ" klubu 6 000 manat ödəyəcək.
