İtaliyanın "Yuventus" klubunun qapıçısı Mattia Perin cari mövsüm başa çatdıqdan sonra komandanı tərk etməyə hazırlaşır.
"Operativ Məlumat Mərkəzi-OMM" insayder Nikolo Skirana istinadən xəbər verir ki, 33 yaşlı futbolçu ehtiyat oyunçu statusundan narazıdır.
O, mütəmadi olaraq yaşıl meydanda çıxış etmək istəyir və məhz bu səbəbdən yay transfer pəncərəsində Turin təmsilçisindən getmək qərarına gəlib.
Cari mövsümdə italiyalı qolkiper "Yuventus" forması ilə 13 matçda iştirak edib. Bu görüşlərdə qapısında 16 qol görən oyunçu, 4 qarşılaşmada qapısını toxunulmaz saxlamağı bacarıb.
Qeyd edək ki, onun klubla hazırkı müqaviləsi gələn ilin ortalarında başa çatır.
"Transfermarkt" portalı isə futbolçunun transfer dəyərini 2 milyon avro olaraq qiymətləndirir.
