OMM Redaksiyası
“Benfika” klubunun baş məşqçisi Joze Mourinyonun gələcəyi bəlli olub.
“Operativ Məlumat Mərkəzi-OMM” xarici KİV-ə istinadən xəbər verir ki, "Benfika"nın prezidenti Rui Kosta Mourinyonun komandadakı gələcəyi ilə bağlı yayılan şayiələrə son qoyub.
Prezident jurnalistlərin suallarını cavablandırarkən portuqaliyalı məşqçinin növbəti mövsümdə də sükan arxasında olacağını təsdiqləyib.
Kosta qısaca, "Bəli, o qalacaq", - deyərək Mourinyoya olan etimadını nümayiş etdirib.
Mourinyonun müqaviləsində əməkdaşlığa xitam vermək üçün xüsusi bəndin olmasına baxmayaraq, tərəflərin birgə fəaliyyəti davam etdirmək niyyətində olduğu bildirilir. "The Special One"ın Lissabon təmsilçisində qurduğu sistem və əldə etdiyi nəticələr rəhbərliyi tam qane edir.
