İsrail Hərbi Hava Qüvvələri tərəfindən endirilən zərbə nəticəsində İranın "Qüds" qüvvələrinin Livandakı korpusunun mühəndislik bölməsinin rəhbəri Mehdi Vəfai öldürülüb.
“Operativ Məlumat Mərkəzi-OMM” xəbər verir ki, İsrail Müdafiə Ordusunun mətbuat xidmətinin yaydığı məlumata əsasən, hədəfli zərbə kəşfiyyat məlumatları əsasında martın 31-də Məhlət rayonuna endirilib.
20 illik fəaliyyəti ərzində Mehdi Vəfai Livan və Suriya ərazilərində strateji yeraltı layihələri irəli sürüb. O, xüsusilə İranın "Hizbullah" təşkilatı və Əsəd rejimi üçün yeraltı infrastrukturun yaradılmasına rəhbərlik edib.
Məlumatda həmçinin qeyd olunur ki, öldürülən mühəndis Livanda müasir silahların saxlanması məqsədilə yeraltı infrastrukturun qurulması üzrə onlarla layihəni birbaşa idarə edib.
