İtaliya İsraili Rəfaha girməməyə çağırıb

İtaliya baş nazirinin müavini və xarici işlər naziri Antonio Tajani İsraili Rəfaha girməməyə çağırdıqlarını və İsrailin bunun "səhv" olacağını başa düşəcəyinə ümid etdiyini bildirib.

"Operativ Məlumat Mərkəzi-OMM" xəbər verir ki, bu barədə xarici KİV məlumat yayıb.

İtaliyanın SKYTG24 kanalında bu səhər qatıldığı proqramda gündəmlə bağlı sualları cavablandıran Tajani, "İsraili Rəfaha girməməyə çağırdıq. Ümid edirəm ki, İsrail bunun səhv olduğunu və bunun nəticəsində bir çox mülki vətəndaşın əziyyət çəkəcəyini başa düşür",- deyə bildirib.

O, bir daha bildirib ki, onlar öz təchizatlarının Qəzzada mülki əhaliyə çatmasının tərəfdarıdırlar.