İtaliya: “Fələstin dövləti qurularsa, sülh üçün əsgər göndərməyə hazırıq”

İtaliya baş nazirinin müavini və xarici işlər naziri Antonio Tajani Fələstin dövləti qurulacağı təqdirdə başqa ölkələrin qüvvələri ilə əsgər göndərilməsi də daxil olmaqla, sülh üçün çalışmaq istədiklərini bildirib.

"Operativ Məlumat Mərkəzi-OMM" xəbər verir ki, bu barədə İtaliyanın ANSA agentliyi məlumat verib.

Tajani, İtaliya hökumətinin sülhə qətiyyətlə bağlı olduğunu ifadə edərək, "Biz İsrailin dostuyuq, lakin Fələstin dövləti qurulacaqsa, potensial olaraq digər ölkələrin qüvvələri ilə qoşun göndərilməsi də daxil olmaqla, sülh üçün çalışmaq istəyirik", - deyib.