Afət Ziyadqızı
İsveçrə prezidenti Viola Amherd bildirib ki, onun ölkəsi bu il Ukrayna ilə bağlı “sülh konfransı” keçirməyi planlaşdırır.
"Operativ Məlumat Mərkəzi-OMM" xəbər verir ki, bu barədə “Schweiz am Wochenende” qəzetinə müsahibəsində açıqlama verib.
“Məqsədimiz bu sammiti ən qısa zamanda təşkil etməkdir. Bu, bu il baş verməlidir”, - deyə dövlət başçısı bildirib.
Onun sözlərinə görə, Rusiya Federasiyasının bu sammitdə iştirakı mümkün görünmür.
"Biz indi digər tərəfdaşlarımızla əlaqə axtarırıq",- deyə siyasətçi vurğulayıb.
O əlavə edib ki, İsveçrə Rusiya ilə əlaqələr saxlayır.
