İsraillilər hakimiyyətdən Qəzza zolağında saxlanılan girovların dərhal azad edilməsi və erkən seçkilərin keçirilməsi tələbi ilə ölkə boyu etiraz aksiyaları keçiriblər.
"Operativ Məlumat Mərkəzi-OMM" xəbər verir ki, bu barədə Ynet məlumat yayıb.
Portalın məlumatına görə, nümayişlər iyulun 7-də səhər saatlarında doqquz əsas nəqliyyat qovşağı da daxil olmaqla, ölkə üzrə 30 yerdə başlayıb.
Nümayişçilər hakimiyyətdən girovların azad edilməsi üçün təcili tədbirlər görməsini tələb ediblər. Etirazçılar həmçinin İsrail həmkarlar ittifaqı konfederasiyasının Histadrut rəhbərinin evinin yaxınlığında toplaşaraq ondan tez bir zamanda seçkilərin keçirilməsi tələbi ilə ümumi tətil elan etməyi tələb ediblər.