İsraildən Britaniyanın Fələstini tanımaq bəyanatına reaksiya

İsrail, Böyük Britaniyanın Fələstin dövlətini tanımaq planlarına dair bəyanatını rədd edir.

"Operativ Məlumat Mərkəzi-OMM" xəbər verir ki, bu barədə İsrailin Xarici İşlər Nazirliyi bəyanat yayıb.

“İsrail Böyük Britaniyanın baş nazirinin bəyanatını rədd edir. Fransa hökumətinin addımlarından və daxili siyasi təzyiqlərdən sonra Britaniya hökumətinin mövqeyində dəyişiklik baş verib. Bu isə hazırda HƏMAS-ı mükafatlandırmaq anlamına gəlir və Qəzzada atəşkəsə və girovların azad olunmasına dair razılığa nail olmaq üçün göstərilən səylərə zərbə vurur”, – İsrail XİN-in rəsmi açıqlamasında deyilir.