İsrail Müdafiə Qüvvələri (IDF) Livandakı Hizbullah hərəkatının hərbi hədəflərinə qarşı yeni irimiqyaslı hücum dalğasının başladığını elan edib.

"Operativ Məlumat Mərkəzi-OMM" xəbər verir ki, bu barədə TASS ordunun mətbuat xidmətinə istinadən yazır.

“İsrail Müdafiə Qüvvələri hazırda Livandakı Hizbullah qruplaşmasının hədəflərinə qarşı irimiqyaslı hücumlar həyata keçirir”, - məlumatda deyilir.

Sentyabrın 24-də Hizbullah İsrailin Şəmşon hərbi bazasına 100 kilometrdən çox mənzilli yeni "Fadi-3" yer raketləri ilə hücum etdiyini açıqlayıb.

Sentyabrın 23-də İDF Livanda Hizbullahın hərbi infrastrukturuna qarşı “önləyici hücum əməliyyatına” başladığını elan edib. İsrailin Hizbullaha qarşı əməliyyatı “Şimal oxları” adlanırdı.

ABŞ tankeri "USNS Big Horn" Yaxın Şərqdə hücumdan sonra zədələnib.

"Operativ Məlumat Mərkəzi-OMM" xəbər verir ki, bu barədə "Associated Press" məlumat yayıb.

Tanker gəmisi "USS Abraham Lincoln" aviadaşıyıcısının rəhbərlik etdiyi zərbə qrupunun bir hissəsidir və qrupu yanacaqla təmin edir.

Hücum zamanı "USNS Big Horn" ekipajının xəsarət almadığı bildirilib. Lakin gəmiyə kimin hücum etdiyi və hücumun harada baş verdiyi barədə başqa məlumat verilməyib.

Son 24 saat ərzində İsrail Hərbi Hava Qüvvələrinin qırıcıları Livandakı Hizbullah hərəkatının hədəflərinə zərbələr endirmək üçün yüzlərlə döyüş əməliyyatı həyata keçirib.

"Operativ Məlumat Mərkəzi-OMM" xəbər verir ki, bu barədə ordunun mətbuat xidməti məlumat yayıb.

“Livanın cənubunda və Livan ərazisinin dərinliklərində terror infrastrukturunun təxminən 1,5 min hədəfinə zərbələr endirmək üçün 2 minə yaxın döyüş sursatı istifadə edilib”, - deyə məlumatda bildirilir.

İsrail Silahlı Qüvvələri Livanın paytaxtına hədəfli zərbə endirib.

"Operativ Məlumat Mərkəzi-OMM" xəbər verir ki, bu barədə İsrail Müdafiə Ordusunun məlumatında bildirilib.

Qeyd edilib ki, İsrail Beyruta hədəfli zərbə endirib.

İsrailin hücumları nəticəsində Livanın cənubunda ölənlərin sayı 558-ə çatıb.

"Operativ Məlumat Mərkəzi-OMM" xəbər verir ki, bu barədə Livanın Səhiyyə Nazirliyi məlumat yayıb.

Ölənlər arasında 50 uşaq da var.

Hizbullahın silahlı qüvvələri İsrailin Yuxarı və Aşağı Qalileydəki hərbi obyektlərinə və yaşayış məntəqələrinə zərbələr endirməkdə davam edir.

"Operativ Məlumat Mərkəzi-OMM" “Al Mayadeen” telekanalına istinadən xəbər verir ki, Hizbullah döyüşçüləri İsrail ərazisinə çoxsaylı raket sistemlərindən, eləcə də bir neçə iri çaplı raketdən 50-dən çox mərmi atıblar.

Əsas zərbə sərhəddə yerləşən Kiryat Şmona şəhərinə endirilib, Beyt Hillel, Marqaliot və Misqav Am yaşayış məntəqələrində hava reydləri sirenləri işə düşüb, bir sıra yerlərdə yanğınlar qeydə alınıb.