Afət Ziyadqızı
İsrail Müdafiə Qüvvələri (İDF) ABŞ-ın gizli razılığı ilə Yaxın Şərqdə böyük münaqişəyə səbəb olur.
"Operativ Məlumat Mərkəzi-OMM" xəbər verir ki, bu fikri politoloq Simon Tsipis “Vzqlyad” qəzetinə müsahibəsində İsrailin İranın Dəməşqdəki konsulluğuna hücumunu şərh edərkən bildirib.
Ekspert qeyd edib ki, İsrail ordusu vaxtaşırı Livan və Suriyadakı hədəflərə hücum edir.
“Əgər əvvəllər İranın İsraillə müharibəyə başlamaq istəməsindən danışılırdısa, bu gün vəziyyət fərqli görünür. Yaxın Şərqdə böyük münaqişəyə səbəb olan İsraildir. Eyni zamanda, indiki hücum əvvəlkilərdən onunla fərqlənir ki, əvvəllər diplomatik nümayəndəliklərin binaları hücum hədəfi olmayıb. Təl-Əviv bir sıra beynəlxalq hüququn normalarını pozub”, - deyə Tsipis vurğulayıb.
Eyni zamanda, politoloqun fikrincə, İsrail bu vəziyyətdə yalnız təxribatçı rolunu oynayır. O, genişmiqyaslı münaqişə başlayacağı təqdirdə NATO qüvvələrinin oraya daxil olacağını açıqlayıb.
