İraqın təhlükəsizlik qüvvələri ölkənin şimalında yerləşən Salah əd-Din əyalətində fəaliyyət göstərən “İslam Dövləti” (İŞİD) terror qruplaşmasının liderlərindən birini öldürüb.

"Operativ Məlumat Mərkəzi-OMM" xəbər verir ki, bu barədə İraqın İNA agentliyi Vahid Əməliyyat Komandanlığının bəyanatına istinadən məlumat yayıb.

"İraq Hərbi Hava Qüvvələrinin hücumundan sonra Salah əd-Din əyalətindəki rayonlardan birində İŞİD üzvü olan 4 terrorçunun meyiti aşkarlanıb”, – məlumatda bildirilib.

Meyitlərin identifikasiyası zamanı öldürülənlərdən birinin İŞİD tərəfdarlarının “Salah əd-Din əyalətinin qubernatoru” adlandırdığı Əbu Ömər əl-Qureyşi olduğu məlum olub.

ABŞ prezidenti Co Bayden oktyabrın 12-də Berlinə səfəri zamanı Almaniya, Fransa və Böyük Britaniya liderləri ilə Yaxın Şərq və Rusiya-Ukrayna münaqişələrinin müzakirəsini planlaşdırır.

"Operativ Məlumat Mərkəzi-OMM"-in xəbərinə görə, bu barədə məlumatı “Agence Franse-Presse” yayıb.

Bildirilib ki, müzakirələrdən sonra liderlər “Rammstein” hərbi bazasına gedərək, Ukrayna lideri Vladimir Zelenskinin və 50 tərəfdaş dövlətinin iştirakı ilə bu ölkəyə hərbi dəstək məsələsini nəzərdən keçirəcək.

Sözü gedən görüşə Ukraynanın 50 beynəlxalq tərəfdaşı qatılacaq.

Ağ Ev rəhbərinin Almaniyaya səfəri zamanı həmkarı Frank-Valter Ştaynmayer ilə də müzakirələri nəzərdə tutulub.

Qeyd edək ki, sonuncu belə görüşdə Zelenski Rusiya ordusunun həmlələrindən etibarlı müdafiə üçün müttəfiqlərin əlavə silah-sursat tədarükünə ehtiyac yarandığını açıqlayıb.

Sabahdan Türkiyə Livandan vətəndaşlarını təxliyə edəcək.

Sabahdan Türkiyə Livandan vətəndaşlarını təxliyə edəcək.

"Operativ Məlumat Mərkəzi-OMM" xəbər verir ki, bu barədə Türkiyə Xarici İşlər Nazirliyindən bildirilib.

Qeyd olunub ki, bu məqsədlə iki gəmi bu gün Beyruta yola düşəcək. Gəmilər iki min yerlikdir.

Vurğulanıb ki, lazım gələrsə, təxliyə qarşıdakı günlərdə də davam edə bilər.

Məlumata görə, Türkiyə Livana həm də humanitar yardımlar göndərir.

xəbər verir ki, bu barədə Türkiyə Xarici İşlər Nazirliyindən bildirilib.

Qeyd olunub ki, bu məqsədlə iki gəmi bu gün Beyruta yola düşəcək. Gəmilər iki min yerlikdir.

Vurğulanıb ki, lazım gələrsə, təxliyə qarşıdakı günlərdə də davam edə bilər.

Məlumata görə, Türkiyə Livana həm də humanitar yardımlar göndərir.

İsrailin Müdafiə Ordusu Beyrutdakı “Hizbullah” qərargahının komandirlərindən birinin öldürüldüyünü açıqlayıb.

"Operativ Məlumat Mərkəzi-OMM" TASS-a istinadən xəbər verir ki, İsrail Hərbi Hava Qüvvələrinin endirdiyi zərbə nəticəsində "Hizbullah"ın qərargah komandiri Süheyl Hüseyn Hüseyni öldürülüb.

Məlumata görə, o, İrandan logistika və silah tədarükünə, həmçinin “Hizbullah” bölmələrinə silah paylanmasına cavabdeh olub.

Şimali Koreya Rusiyaya dəstək üçün Ukraynaya müntəzəm hərbi personal göndərə bilər.

"Operativ Məlumat Mərkəzi-OMM" Cənubi Koreyanın Yonha agentliyinə istinadən xəbər verir ki, bunu parlamentin iclasında Cənubi Koreyanın müdafiə naziri Kim Yonq Hyun deyib.

Onun sözlərinə görə, Rusiya ilə Şimali Koreya arasında hərbi müttəfiqliyə bənzər qarşılıqlı müqavilə imzalandığı üçün hadisələrin bu cür inkişafı ehtimalı çox yüksəkdir.

Rusiya prezidenti Vladimir Putinin bu ilin iyununda Pxenyana səfəri zamanı Rusiya və Şimali Koreya arasında Hərtərəfli Strateji Tərəfdaşlıq Sazişi imzalanıb.

Sənədin dördüncü maddəsində nəzərdə tutulur ki, Rusiya Federasiyası və ya Şimali Koreya başqa dövlət tərəfindən silahlı hücuma məruz qaldıqda və müharibə vəziyyətində olarsa, qarşı tərəf dərhal sərəncamında olan bütün vasitələrlə hərbi və digər yardım göstərəcək. Müqavilənin səkkizinci maddəsində deyilir ki, Rusiya Federasiyası və Şimali Koreya müharibənin qarşısını almaq, regional və beynəlxalq sülh və təhlükəsizliyi təmin etmək məqsədilə öz müdafiə qabiliyyətini gücləndirmək üçün birgə fəaliyyət göstərə bilər.

ABŞ Maliyyə Nazirliyi HƏMAS ilə əlaqəsi olan şəxslərə və qurumlara qarşı sanksiya tətbiq edib.

"Operativ Məlumat Mərkəzi-OMM" xəbər verir ki, bu barədə maliyyə idarəsinin yazılı açıqlamasında bildirilir.

Qeyd edilib ki, sanksiyalar 4 şəxsə və 11 quruma şamil edilib.