İraqın qərbində yerləşən Ənbar vilayətində ABŞ-a məxsus hərbi helikopter qəzaya uğrayıb.

"Operativ Məlumat Mərkəzi-OMM" xəbər verir ki, bu barədə “Reuters” hökumətdəki iki mənbəyə istinadən məlumat yayıb.

Bildirilib ki, “Chinook” helikopteri “Black Hawk” helikopterini müşayiət edərkən qəza baş verib. 

Əl-Qaimə şəhərinin meri Əhməd əl-Məhləvi “Reuters”ə deyib ki, helikopterdə 7 nəfər olub. Həmin şəxslərin hamısı ölüb, onlardan 6 nəfərinin cəsədləri tapılıb. 

ABŞ Silahlı Qüvvələrinin Mərkəzi Komandanlığı helikopterin qəzaya uğradığını və onun göyərtəsində amerikalı hərbçilərin olduğunu təsdiqləsə də, onlar arasında yaralananların və ya ölənlərin olub-olmadığını dəqiqləşdirməyib.

Hadisənin səbəbləri hələlik açıqlanmayıb.

İsrail bu gün Livanda minlərlə Hizbullah radiosunu partladıb.

"Operativ Məlumat Mərkəzi-OMM" xəbər verir ki, bu barədə Amerikanın Axios portalı mənbələrə istinadən məlumat yayıb.

Portalın məlumatına görə, “İsrail Livanda Hizbullah üzvlərinin istifadə etdiyi minlərlə radionu partladıb”.

İsrail kəşfiyyat xidmətlərinin daha əvvəl bir radio göndərişini ələ keçirdiyi, içərisinə partlayıcı yerləşdirdiyi və minalanmış yükü Hizbullaha göndərdiyi açıqlanıb.

Bundan əvvəl Livanın Beyrut şəhərində avtomobil və mopedlərin partladığı məlum idi.

Braziliya prezidenti Lula İnasio da Silva Rusiya lideri Vladimir Putinlə telefon danışığında Ukraynadakı münaqişənin həlli yollarının axtarışına töhfə verməkdə maraqlı olduğunu təsdiqləyib.

"Operativ Məlumat Mərkəzi-OMM" xəbər verir ki, bu barədə TASS Kremlin mətbuat xidmətinə istinadən məlumat yayıb.

"Luis da Silvanın Ukrayna münaqişəsinin həlli yollarını axtarmaqda maraqlı olduğunu nəzərə alaraq, Vladimir Putin Rusiyanın bu məsələ ilə bağlı prinsipial qiymətləndirmələrini açıqlayıb", - Kremldən bildiriblər.

Liderlər həmçinin ölkələrin strateji tərəfdaşlığının genişləndirilməsini müzakirə ediblər və BRİKS vasitəsilə maliyyə əməkdaşlığını davam etdirmək barədə razılığa gəliblər.

Bundan əlavə, da Silva və Putin oktyabrda Kazan BRİKS sammitində görüşmək qərarına gəliblər.

Rusiyanın hipersəs silahları ABŞ-ın istənilən hərbi hədəfini vura bilər.

"Operativ Məlumat Mərkəzi-OMM" xəbər verir ki, bunu MKİ-nin keçmiş analitiki Larri Conson YouTube kanalı Daniel Davis/Deep Dive-ə müsahibəsində deyib.

O bildirib ki, ABŞ-da işləyən hipersəs raketləri yoxdur.

“Hələ biz bu silahların hərbi hədəflərimizdən hər hansı biri olan gəmiləri məhv edə biləcək üç variantına sahib olan ruslara qarşı çıxmaqdan danışırıq”, - deyə Conson bildirib.

Mütəxəssis vurğulayıb ki, səs sürətindən 10 dəfə sürətlə hərəkət edə bilən raketi yalnız Rusiya Federasiyası inkişaf etdirə bilib. Conson kommunikasiya xətləri sayəsində manevr edə bildiyini də qeyd edib.

Şimali Koreya cənub qonşusuna yenidən zibil balonları göndərir.

"Operativ Məlumat Mərkəzi-OMM" xəbər verir ki, bu barədə Cənubi Koreya paytaxtının rəsmiləri bildiriblər.

Şəhər hökuməti vətəndaşlara diqqətli olmaları barədə xəbərdarlıq edib.

Şimali Koreya bundan əvvəl 4-8 sentyabr və 14-15 sentyabr tarixlərində Cənubi Koreyaya zibil balonları uçurub.

Cənubi Koreyanın məlumatlarına görə, Şimali Koreya sentyabrın 18-i səhər saatlarında bir neçə qısa mənzilli ballistik raket buraxıb.

Cənubi Koreya Prezident Administrasiyası Pxenyana xəbərdarlıq edib ki, “təxribatlardan” çəkinsin.

İsveçrə Senatı ölkənin müdafiə qabiliyyətinin azalması ilə bağlı narahatlıqlar səbəbindən NATO ilə birgə hərbi təlimlərə qoşun göndərilməsinə icazə verib.

"Operativ Məlumat Mərkəzi-OMM" xəbər verir ki, bu barədə ölkə parlamentinin saytında yayılan rəsmi məlumatda bildirilir.

İsveçrə nə Şimali Atlantika Alyansının, nə də Avropa Birliyinin üzvü deyil və uzun müddətdir ki, hərbi neytrallığını qoruyub saxlayır, lakin Ukraynada xüsusi hərbi əməliyyata başlayandan sonra Rusiyaya qarşı demək olar ki, bütün sanksiyaları dəstəkləyib.