ABŞ və İsrailin İrana qarşı hərbi əməliyyatları fonunda İraqın aviasiya orqanları ölkənin hava məkanının bağlı qalma müddətini ən azı bazar gününə qədər uzadıb.
“Operativ Məlumat Mərkəzi-OMM” xəbər verir ki, bu barədə TASS-a mənbə məlumat verib. Mənbənin sözlərinə görə, hava məkanının bağlı qalma rejimi 22 mart saat 09:00-a qədər qüvvədə olacaq.
Məlumat üçün bildirilib ki, İraq üzərində hava məkanı ilk dəfə fevralın 28-də günün birinci yarısında, məhz ABŞ və İsrailin İrana qarşı hərbi əməliyyatı səbəbindən bağlanmışdı.
Qeyd edək ki, fevralın 28-dən bu günə qədər regionda məhdudiyyətlər davam edir: İran, Küveyt və Bəhreynin hava məkanı tam, Qətərin hava məkanı isə qismən bağlıdır.
