İranın mərkəzi hissəsində yerləşən Məhəllat şəhərində yaşayış binalarına endirilən zərbə nəticəsində azı 11 nəfər həlak olub.
"Operativ Məlumat Mərkəzi-OMM" xəbər verir ki, bu barədə "Tasnim" agentliyi Mərkəzi ostanının təhlükəsizlik xidmətinin rəis müavininə istinadən xəbər yayıb.
Məlumata görə, hücum İsrail və ABŞ tərəfindən ötən gün saat 23:00 radələrində həyata keçirilib.
Hücum nəticəsində 4 yaşayış binası tamamilə dağılıb, 4 bina yarıdağılmış vəziyyətə düşüb. Daha 2 binaya qismən ziyan dəyib.
Bildirilir ki, həlak olanlar arasında iki qadın və üç uşaq da var. Bundan əlavə, hadisə nəticəsində 15 nəfər müxtəlif dərəcəli bədən xəsarətləri alıb.
