İranın şimalındakı Semnan vilayətində mədəndə baş verən partlayış nəticəsində 6 nəfər ölüb.
"Operativ Məlumat Mərkəzi-OMM" xəbər verir ki, bu barədə İran mediası məlumat yayıb.
“Bazar ertəsi səhər saatlarında baş verən partlayış nəticəsində Tazre Damqan kömür mədənində dağıntılar altında qalan 6 fəhlənin meyiti tuneldən çıxarılıb”, - agentlik bildirib.
Qeyd olunub ki, qəza 700 metrlik dərinliyə sahib mədənin 400 metrliyində olub.
