İranın paytaxtı Tehranda hicabsız qadınlara xidmət etdiyi üçün xəbərdarlıq edildiyi iddia edilən, lakin onlara məhəl qoymayaraq xidmət göstərməyə davam edən bir çox müəssisə möhürlənib.
"Operativ Məlumat Mərkəzi-OMM" xarici mediaya istinadən xəbər verir ki, İranın yarı-rəsmi Tesnim Xəbər Agentliyinin məlumatına görə, iffət qaydalarını pozduğu, xəbərdarlıqlara məhəl qoymayaraq əməlini davam etdirdiyi üçün müəssisələr möhürlənib.
Müəssisələr arasında 3 aptek, kafe və restoranlar olub.
Şəhərin qərbində yerləşən, onlarla müəssisənin, yüzlərlə insanın çalışdığı ticarət mərkəzinin tam möhürlənməsi diqqət çəkib.
Möhürlənmiş kafe və restoranların əksəriyyətinin məşhur adlara məxsus olması faktı media istifadəçilərinin reaksiyasına səbəb olub.
