İranda 3,4 bal gücündə zəlzələ baş verib

Ötən gecə İranın Fars əyalətində 3,4 bal gücündə zəlzələ baş verib.

"Operativ Məlumat Mərkəzi-OMM" İran Seysmoloji Mərkəzinə istinadən xəbər verir ki, zəlzələ Darab şəhəri yaxınlığında qeydə alınıb.

Hadisə 10 km dərinlikdə baş verib. Hələlik insan tələfatı və dağıntılar barədə məlumat yoxdur.

Xatırladaq ki, iyunun 18-də İranın Kəşmər şəhərində (Xorasan Rəzəvi vilayəti) baş vermiş 5 bal gücündə zəlzələ nəticəsində 4 nəfər həlak olub, 120 nəfər xəsarət alıb.