İran Müdafiə Nazirliyi “Xürrəmşəhr” sinfinə məxsus ən son uzaqmənzilli strateji ballistik raketini təqdim edib. 

"Operativ Məlumat Mərkəzi-OMM" İran mediasına istinadən xəbər verir ki, bu barədə İranın müdafiə naziri, briqada generalı Məhəmməd Rza Aştiani bildirib. 

“Biz silahlı qüvvələri müxtəlif raketlər, pilotsuz təyyarələr, hava hücumundan müdafiə sistemləri ilə təmin etməyə çalışırıq. Raketin uçuş məsafəsi iki min kilometrdir və döyüş başlığı böyük partlayıcı gücə malikdir. Yeni raket “Xeybər” adlandırılıb”, - deyə nazir əlavə edib. 

Türkiyə Prezidenti Rəcəb Tayyib Ərdoğan Niderland Baş naziri Mark Rutte ilə görüşüb.

"Operativ Məlumat Mərkəzi-OMM" xəbər verir ki, bu barədə Türkiyə Prezidentinin Ofisi məlumat yayıb.

Görüş Niderland Baş nazirinin Türkiyəyə səfəri çərçivəsində baş tutub.

Niderland mətbuatı bildirir ki, bu səfərin məqsədi həm də Ruttenin NATO-nun növbəti Baş katibi olmaq üçün Türkiyənin dəstəyini qazanmağa çalışması ilə bağlıdır.

Qeyd edək ki, Niderland Baş naziri bu ilin oktyabrında səlahiyyət müddəti bitəcək hazırkı NATO Baş katibi Yens Stoltenberqin postuna əsas namizəddir. Onun namizədliyinə artıq ABŞ, Almaniya, Böyük Britaniya kimi ölkələr öz dəstəyini ifadə edib.

Türkiyənin İstanbul şəhərində terror aktı törətməkdə ittiham olunan Suriya vətəndaşı Əhlam Əlbaşıra 1794 illik həbs cəzası verilib.

"Operativ Məlumat Mərkəzi-OMM" xəbər verir ki, bu barədə “TRT Haber” məlumat yayıb.

Onun PKK terror təşkilatının sifarişi ilə terror aktını törətdiyi bildirilib.

Qeyd edək ki, 2022-ci ilin noyabr ayında Taksim meydanında törədilmiş terror aktı nəticəsində 6 nəfər həlak olub, 99 nəfər yaralanıb.

İranın Kərəc şəhərində dörd məhkum barəsində çıxarılan edam hökmü icra olunub.

"Operativ Məlumat Mərkəzi-OMM" ir.voanews.com-a istinadən xəbər verir ki, məlumatı İranın İnsan Hüquqları üzrə təşkilatı yayıb.

Məlumata görə, onlar “narkotik maddələrin qanunsuz ticarəti” və “qəsdən adam öldürmək” maddələri ilə mühakimə olunublar.

Bildirilib ki, qətl maddəsi üzrə mühakimə edilmiş Peyman Əzizi adlı şəxs yeniyetmə olub. Onun yetkinlik yaşına çatmayan cinayətkar kimi edam olunduğu qeyd edilib.

İnformasiyaya əsasən, edam olunanlardan biri qadındır. Bu, 2024-cü ildə barəsində ölüm hökmü çıxarılan və edam olunan 5-ci qadındır. 2023-cü ildə İranda 22 qadın edam olunmuşdu. 2010-cu ildən indiyədək ölkə üzrə 215 qadın barəsində çıxarılmış ölüm hökmü icra edilib.

Qeyd olunub ki, 2013-cü ildən 2023-cü ilədək İranda 40-ı uşaq olmaqla, 4829 nəfər edam olunub.

Xatırladaq ki, İranda sonuncu edam hökmü bu il aprelin 23-də reper Tomay Salehi barəsində çıxarılıb. O, 2022-ci ildə İranda keçirilən etiraz aksiyalarının fəal iştirakçılarındandır.

Rusiya Ermənistan rəsmilərinin Kollektiv Təhlükəsizlik Müqaviləsi Təşkilatını (KTMT) açıq şəkildə əsassız tənqid etməkdə davam etməsindən təəssüflənir.

"Operativ Məlumat Mərkəzi-OMM" xəbər verir ki, bu barədə Rusiya Federasiyası Xarici İşlər Nazirliyinin rəsmi nümayəndəsi Mariya Zaxarova deyib.

“Biz təəssüf edirik ki, Ermənistan hakimiyyəti KTMT-nin ictimai tənqidinə yol verməkdə davam edir”, - deyə diplomat bildirib.

Xarici İşlər Nazirliyinin nümayəndəsinin sözlərinə görə, təşkilat respublika qarşısında bütün öhdəliklərin KTMT-nin hüquqi məqsəd və prinsiplərinə uyğun olaraq saxlanıldığını təsdiqləyib.

Moskva Rusiya ərazisində keçiriləcək prezident seçkiləri zamanı Kişinyova kömək etməyə hazırdır.

"Operativ Məlumat Mərkəzi-OMM" xəbər verir ki, bu barədə Rusiya Xarici İşlər Nazirliyinin rəsmi nümayəndəsi Mariya Zaxarova jurnalistlərə verdiyi açıqlamada bildirib.

Diplomatın sözlərinə görə, ölkə hakimiyyəti Moldovanın Rusiya Federasiyasında səsvermə mərkəzlərinin açılmasına mane olmaq niyyətində deyil. Moskva Kişinyovun 2024-cü ilin martında keçiriləcək Rusiya prezident seçkilərinə hazırlıqla bağlı qeyri-dost addımlarına “güzgü” şəklində cavab verməyi lazım görmür.

“Bizim real mövqeyimiz ondan ibarətdir ki, biz həqiqətən demokratiya prinsiplərinə sadiqik. Biz bunu məhdudlaşdırmayacağıq, biz ölkəmizdə yaşayan Moldova vətəndaşlarının səsvermə hüquqlarının həyata keçirilməsini təşviq etməyə hazırıq”, - deyə Zaxarova vurğulayıb.

O əlavə edib ki, Rusiya Federasiyası istənilən təxribatın qarşısının alınması ilə bağlı mövqeyini rəsmi və açıq şəkildə təsdiqləməyə qərar verib. Xüsusilə, söhbət Moskvanın müvafiq müraciət olacağı təqdirdə Kişinyova seçkilərin keçirilməsində yardım etməyə hazır olmasından gedir.

Moldovada prezident seçkilərinin 2024-cü ilin oktyabrında keçirilməsi planlaşdırılır. Eyni zamanda, respublikanın Avropa İttifaqına (Aİ) daxil olub-olmayacağı ilə bağlı ölkədə ümumxalq referendumunun keçirilməsi tələb olunur.