ABŞ prezidenti Donald Trampın İranın ali dini lideri Əli Xamneyiyə göndərdiyi məktubun tərkibi mətbuat katibinin Ağ Evdəki açıq bəyanatlarından çox da fərqlənmir.
"Operativ Məlumat Mərkəzi-OMM" xəbər verir ki, bu açıqlama ilə İran İslam Respublikası Xarici İşlər Nazirliyinin rəsmi nümayəndəsi İsmayıl Bəqayi çıxış edib.
"Trampın məktubunu dərc etmək üçün hələ əsasımız yoxdur. Bu məktubla bağlı mediada dərc olunanların hamısı fərziyyədir və heç bir əsası yoxdur. Trampın ictimai açıqlamalarını nəzərə alsaq, bu məktubun məzmunu onlardan çox da fərqlənmir", - diplomat mətbuat konfransında deyib.
Bəqayi deyib ki, Tehran bütün lazımi məsləhətləşmələr və danışıqları başa vurduqdan sonra bu məktuba cavab verəcək.
