"Hörmüz boğazının idarə olunması ilə bağlı İran və Oman arasında aparılan danışıqlar davam edir".
“Operativ Məlumat Mərkəzi-OMM” xəbər verir ki, bu sözləri İran Xarici İşlər Nazirliyinin sözçüsü İsmayıl Bəqai deyib.
Bəqai qeyd edib ki, 24-25 iyul tarixlərində Tehranda başlayan İran-Oman görüşləri hələ də davam edir.
Onun sözlərinə görə, 29 iyulda iki ölkənin xarici işlər nazirləri səviyyəsində də görüş keçirilib.
Bəqai vurğulayıb ki, İran və Oman arasında Hörmüz boğazı ilə bağlı müzakirələr uzun müddətdir gündəmdədir və bu proses ABŞ-nin hücumları və boğazın bağlanması məsələsindən müstəqildir.
Sözçü həmçinin iddia edib ki, Hörmüz boğazında dəniz nəqliyyatının dayanması və gəmiçilik marşrutlarının təhlükəsiz olmaması ABŞ-nin İrana tətbiq etdiyi dəniz blokadasının nəticəsidir.
