İran Hürmüz Boğazı ilə bağlı sərt bəyanat verib.
“Operativ Məlumat Mərkəzi-OMM” xəbər verir ki, İran Silahlı Qüvvələrinin yaydığı rəsmi açıqlamada Hürmüz Boğazının ölkənin suveren ərazisi olduğu vurğulanıb və bu strateji su yolunun təhlükəsizliyinin təmin edilməsinin “qırmızı xətt” olduğu bildirilib.
Məlumata görə, Tehran ABŞ-nin bölgədəki hərbi fəaliyyətini və xüsusilə pilotlu və pilotsuz uçuş aparatlarının Hürmüz Boğazı üzərində uçuşlarını regional təhlükəsizlik üçün risk kimi qiymətləndirib.
İran tərəfi bəyan edib ki, ABŞ-nin regionda təhlükəsizliyi pozmağa yönəlmiş istənilən addımı ölkənin milli suverenliyinə təhdid kimi qəbul ediləcək.
Açıqlamada həmçinin neft tankerləri və ticarət gəmilərinin yalnız İran tərəfindən müəyyən edilən marşrutlardan istifadə etməli olduğu qeyd olunub. Bildirilib ki, naviqasiya qaydalarının pozulması halında İran hərbi qüvvələri “dərhal və qətiyyətli cavab” verəcək.
Qeyd edək ki, bu bəyanat ABŞ Mərkəzi Komandanlığının (CENTCOM) Bəhreynin paytaxtı Manamada 11 ölkənin iştirakı ilə keçirdiyi təhlükəsizlik toplantısından sonra səsləndirilib.
