İran Xarici İşlər Nazirliyinin sözçüsü İsmayıl Baqai özünün "X" sosial şəbəkə hesabında ABŞ-nin Hindistanın ticarət gəmilərinə qarşı təşkil etdiyi hücumları "dövlət piratlığı" kimi qiymətləndirib.
"Operativ Məlumat Mərkəzi-OMM" xəbər verir ki, o, bu hərəkətlərin Vaşinqtonun silahlı soyğunçuluq və qanunsuzluq siyasətinin bariz nümunəsi olduğunu vurğulayıb.
Baqai hücumlar nəticəsində həlak olan hindistanlı dənizçilərin ailələrinə və yaxınlarına başsağlığı verib.
İran rəsmisi beynəlxalq ictimaiyyəti ABŞ-nin bu qanunsuz əməllərinə qarşı tədbir görməyə çağırıb.
Onun sözlərinə görə, ABŞ-nin bu addımları qlobal sülhə və təhlükəsizliyə, eləcə də dənizdə naviqasiya azadlığına ciddi təhdid yaradır.
Son günlər Oman suları yaxınlığında Hindistan heyətinin idarə etdiyi ticarət gəmilərinə qarşı ABŞ-nin həyata keçirdiyi hücumlar bölgədə gərginliyi daha da artırıb.
Məlumata görə, ABŞ Mərkəzi Komandanlığı "Jalveer" adlı tankerin mühərrik bölməsinə iki "Hellfire" raketi atıb. ABŞ tərəfi gəminin İran neftini daşıdığını iddia edir.
Hindistan rəsmiləri isə gəmidəki 20 nəfərlik heyətin təhlükəsiz olduğunu və Omanın yardımı ilə evakuasiya edildiklərini açıqlayıblar.
