Afət Ziyadqızı
Vaşinqton təhdid və təzyiq dilindən istifadə etməyə davam etdikcə, İran ABŞ-la danışıqlara yenidən başlamaq üçün heç bir fürsət görmür.
"Operativ Məlumat Mərkəzi-OMM" xəbər verir ki, bu açıqlama ilə İran İslam Respublikasının xarici işlər naziri Abbas Əraqçı çıxış edib.
O, rusiyalı həmkarı Sergey Lavrovla birgə mətbuat konfransında deyib: "İranın mövqeyi tamamilə aydındır. Biz təhdid və təzyiq altında danışıqlar aparmayacağıq. Hazırda bizimlə ABŞ arasında nüvə proqramı ilə bağlı birbaşa dialoqun mümkünlüyü yoxdur".
İran İnqilabı Keşikçiləri Korpusu Komandanlığının müşaviri Hüseyn Taib deyib ki, ABŞ-la danışıqların tərəfdarları Vaşinqtondan kömək üçün müraciət edən və borc içində ilişib qalan Ukraynanın taleyinə diqqət yetirməlidirlər.
