İndoneziyada daşqın və torpaq sürüşmələri nəticəsində ölənlərin sayı artır

İndoneziyanın Sumatra adasında leysan yağışların səbəb olduğu sel və torpaq sürüşmələrində ölənlərin sayı 32-yə yüksəlib.

"Operativ Məlumat Mərkəzi-OMM" xəbər verir ki, bu barədə xarici KİV məlumat yayıb.

Açıqlamada təbii fəlakət nəticəsində 1500 evin, 50-dən çox ibadət yerinin və ən azı 10 yolun zədələndiyi, adada 5 bölgədə fövqəladə vəziyyət elan edildiyi bildirilib.

Ötən həftənin cümə axşamı günü yağan güclü yağışlar səbəbindən 70 mindən çox insan təhlükəsiz bölgələrə təxliyə edilib.