Məşhur amerikalı sahibkar İlon Maska məxsus xAI şirkəti "Grok" adlı öz süni intellekt (AI) modelini təqdim edib.
"Operativ Məlumat Mərkəzi-OMM" xəbər verir ki, bu barədə şirkətin mətbuat xidməti məlumat yayıb.
“Bizim "Grok" AI-miz hazır cavablar vermək bacarığına və üsyankar olmağa meyllidir, ona görə də yumoru qiymətləndirmirsinizsə, ondan istifadə etməyin!”, - deyə şirkət vurğulayıb.
xAI-də yeni AI modelinin əsas üstünlüyü ondan ibarətdir ki, o, X platforması vasitəsilə real vaxt rejimində dünya haqqında məlumat alır. "Grok"un digər sistemlərin cavab verə bilmədiyi təxribatçı suallara cavab verməsi gözlənilir.
"Grok" hazırda beta testindədir.
