Azərbaycan Respublikasının Prezidenti İlham Əliyev Ümumdünya Şəhərsalma Forumunun 13-cü sessiyasının (WUF13) iştirakçılarına təbrik ünvanlayıb. Dövlət başçısı özünün "X" sosial şəbəkə hesabında paylaşım edərək, tədbirin uğurlu və səmərəli keçdiyini vurğulayıb.
Prezidentin paylaşımında qeyd olunub ki, Azərbaycanın növbəti dəfə belə əhəmiyyətli bir qlobal tədbirə ev sahibliyi etməsi ölkə üçün şərəfdir. Həmçinin bildirilib ki, WUF13 COP29-dan sonra Azərbaycanda təşkil olunan ikinci ən böyük beynəlxalq toplantıdır.
Dövlət başçısı təbrikində aşağıdakı məqamları xüsusi qeyd edib:
- Bütün iştirakçılara və tərəfdaşlara təşəkkür ifadə olunub.
- BMT ailəsinə, xüsusilə BMT-Habitat qurumuna uğurlu və nəticəyönümlü tədbir münasibətilə təbriklər çatdırılıb.
