"Hizbullah" Şeyx Həsən Nəsrullahın öldürüldüyünü rəsmən təsdiqləyib.

"Operativ Məlumat Mərkəzi-OMM" xəbər verir ki, bu barədə "Hizbullah" bəyanat yayıb. 

Məlumatda, həmçinin bildirilib ki, "Hizbullah" İsraila qarşı mübarizəni davam etdirəcək.

Qeyd edək ki, əvvəl yayılmış məlumatlarda Həsən Nəsrullahın İsrailin dünən Livanın paytaxtı Beyrutu bombalaması nəticəsində öldürüldüyü bildirilmişdi.
Bombardmanda Nəsrullahın qızı Zeynəbin və "Hizbullah"ın daha bir neçə yüksək vəzifəli üzvünün öldürüldüyü də açıqlanmışdı.

Həsən Nəsrullah 1992-ci ildən "Hizbullah"a rəhbərlik edirdi.

Pakistanın şimalında çarter helikopterinin qəzaya uğraması nəticəsində ən azı 6 nəfər həlak olub.
"Operativ Məlumat Mərkəzi-OMM" xəbər verir ki, bu barədə “Reuters” agentliyi məlumat yayıb.

Agentliyin məlumatına görə, helikopteri ölkənin şimalındakı Hayber Paxtunxva əyalətində özəl şirkət kirayələyib.
Helikopter havaya qalxdıqdan az sonra Əfqanıstan sərhədi yaxınlığındakı qeyri-sabit Şimali Vəziristan bölgəsində qəzaya uğrayıb.

İrana məxsus sərnişin təyyarəsinin ekipajı İsraildən Beyrut beynəlxalq hava limanına enməmək barədə xəbərdarlıq alıb.

"Operativ Məlumat Mərkəzi-OMM" xəbər verir ki, bu barədə “Sada al-Balad” telekanalı məlumat yayıb. 

“İsrail ordusu İran təyyarəsinin ekipajı ilə danışığa başlayıb və onlara Beyrut hava limanına enişin arzuolunmaz olduğu barədə xəbərdarlıq edib”, - deyə məlumatda bildirilib. 

Nəticədə İran təyyarəsi Tehrana qayıtmağa məcbur olub.

İsrail Müdafiə Ordusu Livan “Hizbullah”ının lideri Həsən Nəsrullahın ölmü ilə bağlı məlumat yayıb.

"Operativ Məlumat Mərkəzi-OMM" xəbər verir ki, bu barədə İsrail Müdafiə Ordusunun mətbuat xidməti bildirib.

Məlumata görə, Həsən Nəsrullah sentyabrın 27-də İsrail Hərbi Hava Qüvvələrinin Beyrutu bombalaması nəticəsində ölüb.

“Hizbullah” hələ ki xəbəri təsdiqləməyib.

Ermənistanla Fələstin arasında diplomatik münasibətlərin qurulmasına dair sənəd imzalanıb.

"Operativ Məlumat Mərkəzi-OMM" Ermənistan KİV-ə istinadən xəbər verir ki, bu barədə ölkənin Xarici İşlər Nazirliyinin mətbuat xidməti məlumat yayıb.

Məlumata görə, müvafiq kommünike Nyu-Yorkda keçirilən görüşdə Ermənistanın xarici işlər naziri Ararat Mirzoyan və Fələstinin Baş naziri Məhəmməd Mustafa tərəfindən imzalanıb.

Ermənistan iyun ayında Fələstin dövlətini tanıdığını elan edib.

İsrail Hərbi Hava Qüvvələrinin (HHQ) qırıcıları səhər saatlarında Livan paytaxtının ətrafındakı "Hizbullah" hədəflərinə hücumları bərpa ediblər.

"Operativ Məlumat Mərkəzi-OMM" xəbər verir ki, bu barədə TASS məlumat yayıb.

Qeyd edilib ki, İsrail HHQ-yə məxsus təyyarələr Beyrutun cənub ətrafındakı ərazilərə bir neçə zərbə endirib. Məlumata görə, azı üç partlayış baş verib.

Sakinlərin əksəriyyəti evlərini tərk edərək gecəni Beyrutun mərkəzi məhəllələrində keçirib.