Hindistanda son həftələr isti hava səbəbindən 81 nəfər ölüb

Hindistanın bəzi ştatlarında son həftələrdə isti hava şəraiti səbəbindən 81 nəfər həyatını itirib.

"Operativ Məlumat Mərkəzi-OMM" xəbər verir ki, bu barədə xarici KİV məlumat yayıb.

Belə ki, mətbuatda yer alan xəbərə görə, isti dalğası termometrlərin 49 dərəcədən yuxarı olduğu ölkənin bir çox şəhərində təsirini davam etdirir. İyunun 3-nə olan məlumata görə, Odişa ştatında istidən 30 nəfər ölüb. Uttar Pradeş ştatında iyunun 2-də 33 nəfər ölüb.

Xatırladaq ki, bütün zamanların ən yüksək temperaturu mayın 29-da paytaxt Yeni Dehlidə 52,9 dərəcə ilə qeydə alınıb.