Azərbaycanın mülki əhalisi demək olar ki, hər gün Ermənistanın yerləşdirdiyi milyonlarla mina ilə üzləşir.

"Operativ Məlumat Mərkəzi-OMM" xəbər verir ki, bu barədə Azərbaycan Respublikası Prezidentinin köməkçisi - Prezident Administrasiyasının Xarici siyasət məsələləri şöbəsinin müdiri Hikmət Hacıyev "X" hesabında yazıb.

H.Hacıyev xatırladıb ki, bu gün daha bir mina partlayışı baş verib və ANAMA-nın minatəmizləmə əməliyyatçısı ağır yaralanıb.

Almatıda Azərbaycan və Ermənistan xarici işlər nazirləri Ceyhun Bayramov və Ararat Mirzoyan arasında danışıqlar başa çatıb.

"Operativ Məlumat Mərkəzi-OMM" xəbər verir ki, danışıqlar 4 saat davam edib.

Sərhəddə delimitasiya və demarkasiya Azərbaycanın şərtləri əsasında həyata keçirilir.

"Operativ Məlumat Mərkəzi-OMM" xəbər verir ki, bu sözləri Azərbaycan Respublikasının Prezidenti İlham Əliyev Şuşaya qayıdan ilk sakinlərə mənzillərinin açarlarının təqdim edilməsi mərasimində çıxışı zamanı deyib.

Dövlət başçısı qeyd edib ki, bu gün Qazaxın 1990-cı və 1992-ci illərdə işğal edilmiş torpaqları bir güllə atılmadan bizə qaytarılır.

“Delimitasiya, demarkasiya bizim şərtlərimiz əsasında həyata keçirilir və bu, bizim növbəti zəfərimizdir”, - İlham Əliyev deyib.

Azərbaycanın Moldovadakı səfirliyində Ümummilli Lider, müasir Azərbaycan dövlətçiliyinin qurucusu Heydər Əliyevin anadan olmasının 101-ci ildönümü ilə əlaqədar tədbir keçirilib.

"Operativ Məlumat Mərkəzi-OMM" xəbər verir ki, burada Moldova rəsmiləri, bu ölkədə akkreditə olunmuş diplomatik korpusun nümayəndələri, Moldova Azərbaycanlıları Konqresinin üzvləri və Azərbaycan diasporunun digər nümayəndələri iştirak ediblər.

“Heydər Əliyev ölkəyə şərəflə rəhbərlik edirdi. Onun müdrik qərarları sayəsində Azərbaycan çiçəklənən, tanınan dövlətə çevrilib”, - tədbirdə çıxış edən Moldova parlamentinin deputatı, Azərbaycan-Moldova dostluq qrupunun sədri Vitali Yakot bildirib.

“Bu gün Heydər Əliyevin anadan olmasının 101-ci ildönümünü qeyd edərək, onun xatirəsinə bir daha dərin ehtiramımızı bildiririk. Bu istiqamətdə edə biləcəyimiz ən yaxşı iş Ümummilli Liderimizin vəsiyyət etdiyi kimi tərəqqi, həmrəylik və Vətən sevgisi yolunda bundan sonra da inamla addımlamaqdır”, - Moldova Azərbaycanlıları Konqresinin sədri Elçin Bayramov vurğulayıb.

Azərbaycanın xarici işlər naziri Ceyhun Bayramov Qazaxıstana Ermənistanla sülh danışıqlarına verdiyi dəstəyə görə minnətdarlığını bildirib.

"Operativ Məlumat Mərkəzi-OMM" xəbər verir ki, bu barədə Azərbaycan XİN başçısının “X” sosial şəbəkəsindəki hesabında qeyd edilib.

Xatırladaq ki, bu gün Almatıda Azərbaycan və Ermənistan xarici işlər nazirləri Ceyhun Bayramov və Ararat Mirzoyan arasında danışıqlar başlayıb. Onlar ölkələr arasında sülh müqaviləsinin hazırlanması ilə bağlı müzakirələr aparacaqlar.

Daha əvvəl Qazaxıstan Prezidenti Kasım-Jomart Tokayev Azərbaycan və Ermənistanın Almatıda xarici işlər nazirləri səviyyəsində danışıqların aparılmasına dair razılaşmasını alqışlayıb və bu görüşü simvolik adlandırıb.

Azərbaycan Ermənistanla normallaşma prosesinə böyük diqqət yetirir.

"Operativ Məlumat Mərkəzi-OMM" xəbər verir ki, bunu Azərbaycanın xarici işlər naziri Ceyhun Bayramov Qazaxıstanın Almatı şəhərində erməni həmkarı Ararat Mirzoyanla görüşdən əvvəl deyib.

“Biz bu prosesə böyük əhəmiyyət veririk və işi davam etdirməyə hazırıq. Almatıdakı danışıqların çox faydalı olacağına inanıram. Ümid edirəm ki, qarşıdakı iki gün ərzində hələ də mövcud olan açıq məsələlərin həllini tapmaq üçün müsbət istiqamətdə fəaliyyət göstərəcəyik”, - o bildirib.