Zəngilan rayonunda Hərbi Prokurorluğun rəhbər vəzifəli şəxsləri və Dövlət Sərhəd Xidmətinin yüksəkrütbəli hərbi qulluqçuları şəxsi heyətlə birgə tədbir keçiriblər.

Hərbi Prokurorluğun mətbuat xidmətindən "Operativ Məlumat Mərkəzi-OMM"-ə verilən məlumata görə, tədbirdə general-mayor Azad Abdullayev, Hərbi prokurorun böyük köməkçiləri, baş ədliyyə müşaviri Firad Əliyev, ədliyyə polkovniki Fərəc Sayılov, Qubadlı hərbi prokuroru, ədliyyə polkovnik-leytenantı Elşən Mürsəlov, eləcə də digər şəxslər çıxış ediblər.

Bildirilib ki, Ulu Öndər Heydər Əliyevin Azərbaycanın parlaq gələcəyinə hesablanmış mükəmməl siyasətini yeni müstəvidə, dövrün tələblərinə uyğun şəkildə, uğurla davam etdirən Prezident İlham Əliyevin rəhbərliyi ilə son 20 il müddətində Azərbaycanda görülmüş müstəsna işlərdən, həyata keçirilmiş hərtərəfli köklü islahatlardan, bütün sahələrdə qazanılmış misilsiz uğurlardan söz açıblar.

Sonra ətraf mühitin mühafizəsi haqqında qanunvericiliyin tələblərindən, hüquq və vəzifələrdən, həmçinin ekoloji qanun pozuntularından, o cümlədən ekoloji cinayətlərdən və məsuliyyətdən söz açan tədbir iştirakçıları ətraf mühitin daha da sağlamlaşdırılmasının və etibarlı qorunmasının əhəmiyyətini vurğulayıblar.

Daha sonra hərbi qulluqçular qarşısında hüquqi maarifləndirici məzmunlu çıxışlar olub. Onları maraqlandıran suallar cavablandırılıb.

Tədbir çərçivəsində, həmçinin hərbçilərin qayğı və problemləri ilə maraqlanılıb.

Sonda iştirakçılar tərəfindən ağaclar əkilib.

Milli Məclisin parlamentlərarası əlaqələr üzrə işçi qruplarına rəhbərlər seçilib.

"Operativ Məlumat Mərkəzi-OMM" xəbər verir ki, bununla bağlı parlamentin bugünkü plenar iclasında “Azərbaycan Respublikası Milli Məclisinin parlamentlərarası əlaqələr üzrə işçi qruplarının rəhbərlərinin seçilməsi haqqında” qərar layihəsi müzakirə olunub.

Aşağıda adları qeyd olunan deputatlar Milli Məclisin parlamentlərarası əlaqələr üzrə işçi qruplarının rəhbəri seçilib:

1. Azərbaycan - Albaniya parlamentlərarası əlaqələr üzrə işçi qrupu: Nəsirov Elman Xudam oğlu

2. Azərbaycan - Almaniya Federativ Respublikası parlamentlərarası əlaqələr üzrə işçi qrupu: Həsənov Nurlan Urfan oğlu

3. Azərbaycan - Amerika Birləşmiş Ştatları parlamentlərarası əlaqələr üzrə işçi qrupu: Seyidov Səməd İsmayıl oğlu

4. Azərbaycan - Argentina parlamentlərarası əlaqələr üzrə işçi qrupu: İskəndərov Vüqar Yapon oğlu

5. Azərbaycan - Avstraliya parlamentlərarası əlaqələr üzrə işçi qrupu: Fətiyev Xanlar Nuru oğlu

6. Azərbaycan - Avstriya parlamentlərarası əlaqələr üzrə işçi qrupu: Mirkişili Tahir Famil oğlu

7. Azərbaycan - Banqladeş parlamentlərarası əlaqələr üzrə işçi qrupu: Hüseynov Aydın Nəsir oğlu

8. Azərbaycan - Belarus parlamentlərarası əlaqələr üzrə işçi qrupu: Səmədzadə Ziyad Əliabbas oğlu

9. Azərbaycan - Belçika parlamentlərarası əlaqələr üzrə işçi qrupu: Cəfərov Kamal Xaqani oğlu

10. Azərbaycan - Bəhreyn parlamentlərarası əlaqələr üzrə işçi qrupu: Hacıyev Sabir Kamal oğlu

11. Azərbaycan - Birləşmiş Ərəb Əmirlikləri parlamentlərarası əlaqələr üzrə işçi qrupu: Paşazadə Cavanşir Hümmət oğlu

12. Azərbaycan - Bolqarıstan parlamentlərarası əlaqələr üzrə işçi qrupu: Quliyev Eldar Allahyar oğlu

13. Azərbaycan - Bosniya və Herseqovina parlamentlərarası əlaqələr üzrə işçi qrupu: Əfəndiyev Məzahir Cavid oğlu

14. Azərbaycan - Böyük Britaniya və Şimali İrlandiya Birləşmiş Krallığı parlamentlərarası əlaqələr üzrə işçi qrupu: İsmayılzadə Fariz Akif oğlu

15. Azərbaycan - Braziliya parlamentlərarası əlaqələr üzrə işçi qrupu: Məmmədli Müşfiq Fazil oğlu

16. Azərbaycan - Burundi parlamentlərarası əlaqələr üzrə işçi qrupu: Musayev Elşən Məmmədhənifə oğlu

17. Azərbaycan - Cənubi Afrika Respublikası parlamentlərarası əlaqələr üzrə işçi qrupu Həmzəyev Naqif Ələşrəf oğlu

18. Azərbaycan - Cibuti parlamentlərarası əlaqələr üzrə işçi qrupu: Akimova Elnarə Seydulla qızı

19. Azərbaycan - Çexiya parlamentlərarası əlaqələr üzrə işçi qrupu: Əsədov Heydər Xanış oğlu

20. Azərbaycan Çili parlamentlərarası əlaqələr üzrə işçi qrupu: Badamov Azər Camal oğlu

21. Azərbaycan - Çin parlamentlərarası əlaqələr üzrə işçi qrupu: Məmmədov Soltan Teymur oğlu

22. Azərbaycan - Danimarka parlamentlərarası əlaqələr üzrə işçi qrupu: Arpadarai Nigar Cavid qızı

23. Azərbaycan - Efiopiya parlamentlərarası əlaqələr üzrə işçi qrupu: Vəliyeva Mehriban Hidayət qızı

24. Azərbaycan - Ekvador parlamentlərarası əlaqələr üzrə işçi qrupu: Mirzəbəyli Elçin Əbdülrəhim oğlu

25. Azərbaycan - Estoniya parlamentlərarası əlaqələr üzrə işçi qrupu: Həsənova Afət Əbil qızı

26. Azərbaycan Əfqanıstan parlamentlərarası əlaqələr üzrə işçi qrupu: Qasımlı Musa Cəfər oğlu

27. Azərbaycan - Əlcəzair parlamentlərarası əlaqələr üzrə işçi qrupu: İsmayılov Şahin Əmir oğlu

28. Azərbaycan - Filippin parlamentlərarası əlaqələr üzrə işçi qrupu: Vəliyeva Pərvanə Bulut qızı

29. Azərbaycan - Finlandiya parlamentlərarası əlaqələr üzrə işçi qrupu: Nurullayev Razi Qulaməli oğlu

30. Azərbaycan - Gürcüstan parlamentlərarası əlaqələr üzrə işçi qrupu: Nağıyev Arzu Nəsib oğlu

31. Azərbaycan - Hindistan parlamentlərarası əlaqələr üzrə işçi qrupu: Şükürov Zaur Ramiz oğlu

32. Azərbaycan - Honduras parlamentlərarası əlaqələr üzrə işçi qrupu: Hüseynova Sevinc Əmirəhməd qızı

33. Azərbaycan - Xorvatiya parlamentlərarası əlaqələr üzrə işçi qrupu: Nurullayeva Könül Oruc qızı

34. Azərbaycan - İndoneziya parlamentlərarası əlaqələr üzrə işçi qrupu: Əliyev Bəxtiyar Həmzə oğlu

35. Azərbaycan - İordaniya parlamentlərarası əlaqələr üzrə işçi qrupu: İsgəndərov Anar Camal oğlu

36. Azərbaycan - İraq parlamentlərarası əlaqələr üzrə işçi qrupu: Məmmədov İlham Kazım oğlu

37. Azərbaycan - İran parlamentlərarası əlaqələr üzrə işçi qrupu: Əsgərov Ziyafət Abbas oğlu

38. Azərbaycan - İrlandiya parlamentlərarası əlaqələr üzrə işçi qrupu: Qədirli Erkin Toğrul oğlu

39. Azərbaycan - İspaniya parlamentlərarası əlaqələr üzrə işçi qrupu: Mikayılova Sevil Əlirazı qızı

40. Azərbaycan - İsrail parlamentlərarası əlaqələr üzrə işçi qrupu: Rafailov Anatoliy Xaimoviç

41. Azərbaycan - İsveç parlamentlərarası əlaqələr üzrə işçi qrupu: Hüseynov Rafael Baba oğlu

42. Azərbaycan - İsveçrə parlamentlərarası əlaqələr üzrə işçi qrupu: Nəbiyev Rizvan Novruz oğlu

43. Azərbaycan - İtaliya parlamentlərarası əlaqələr üzrə işçi qrupu: Kərimli Azər Şəmşid oğlu

44. Azərbaycan - Kamboca parlamentlərarası əlaqələr üzrə işçi qrupu: Seyidzadə Şahin Kamil oğlu

45. Azərbaycan - Kamerun parlamentlərarası əlaqələr üzrə işçi qrupu: Əli-zadə Arzuxan Baxşəli oğlu

46. Azərbaycan - Kanada parlamentlərarası əlaqələr üzrə işçi qrupu: Gəncəliyev Tural Babaşah oğlu

47. Azərbaycan - Kolumbiya - Qvatemala parlamentlərarası əlaqələr üzrə işçi qrupu: Cəfərov Müşfiq Cəfər oğlu

48. Azərbaycan - Koreya parlamentlərarası əlaqələr üzrə işçi qrupu: Həsənov Malik Əvəz oğlu

48. Azərbaycan Kuba parlamentlərarası əlaqələr üzrə işçi qrupu: Mahmudov Rəşad Məmmədqulu oğlu

50. Azərbaycan - Küveyt parlamentlərarası əlaqələr üzrə işçi qrupu: Möhbalıyev Səttar Suliddin oğlu

51. Azərbaycan - Qazaxıstan parlamentlərarası əlaqələr üzrə işçi qrupu: Səfərov Nizami Abdulla oğlu

52. Azərbaycan - Qətər parlamentlərarası əlaqələr üzrə işçi qrupu: Rzayev Tahir Musa oğlu

53. Azərbaycan - Qırğızıstan parlamentlərarası əlaqələr üzrə işçi qrupu: Quliyev Musa İsa oğlu

54. Azərbaycan - Latviya parlamentlərarası əlaqələr üzrə işçi qrupu: Bayramov Kamran Fərhad oğlu

55. Azərbaycan - Litva parlamentlərarası əlaqələr üzrə işçi qrupu: Məhəməliyev Nəsib Məhəmməd oğlu

56. Azərbaycan - Livan parlamentlərarası əlaqələr üzrə işçi qrupu: Musayev Elşad Nəbi oğlu

57. Azərbaycan - Liviya parlamentlərarası əlaqələr üzrə işçi qrupu: İbrahimli Fəzail Feyruz oğlu

58. Azərbaycan - Lüksemburq parlamentlərarası əlaqələr üzrə işçi qrupu: Məmmədova Nigar Fikrət qızı

59. Azərbaycan - Macarıstan parlamentlərarası əlaqələr üzrə işçi qrupu: Hüseynli Əli Məhəmməd oğlu

60. Azərbaycan - Malayziya parlamentlərarası əlaqələr üzrə işçi qrupu: Bayramov Vüqar İbad oğlu

61. Azərbaycan - Malta parlamentlərarası əlaqələr üzrə işçi qrupu: Həsənquliyev Qüdrət Müzəffər oğlu

62. Azərbaycan - Mavritaniya parlamentlərarası əlaqələr üzrə işçi qrupu: Qurbanov Sadiq Haqverdi oğlu

63. Azərbaycan - Meksika parlamentlərarası əlaqələr üzrə işçi qrupu: Əliyeva Jalə Fazil qızı

64. Azərbaycan-Mərakeş parlamentlərarası əlaqələr üzrə işçi qrupu: İsmayılov İmamverdi İbiş oğlu

64. Azərbaycan - Misir parlamentlərarası əlaqələr üzrə işçi qrupu: Məmmədov Ceyhun Valeh oğlu

66. Azərbaycan - Moldova parlamentlərarası əlaqələr üzrə işçi qrupu: Novruzov Siyavuş Dünyamalı oğlu

67. Azərbaycan - Monqolustan parlamentlərarası əlaqələr üzrə işçi qrupu: Oruc Zahid Məhərrəm oğlu

68. Azərbaycan - Montenegro parlamentlərarası əlaqələr üzrə işçi qrupu: Məsimli Əli Əhməd oğlu

69. Azərbaycan - Nepal parlamentlərarası əlaqələr üzrə işçi qrupu: Həsən Ramil Sahib oğlu

70. Azərbaycan - Niderland parlamentlərarası əlaqələr üzrə işçi qrupu: Məmmədov Qaya Məmməd oğlu

71. Azərbaycan - Nigeriya parlamentlərarası əlaqələr üzrə işçi qrupu: Rəhimzadə Vüqar Gəncəli oğlu

72. Azərbaycan - Norveç parlamentlərarası əlaqələr üzrə işçi qrupu: Xasayeva Səbinə Səməd qızı

73. Azərbaycan - Özbəkistan parlamentlərarası əlaqələr üzrə işçi qrupu: İbrahimov Eldar Rza oğlu

74. Azərbaycan - Pakistan parlamentlərarası əlaqələr üzrə işçi qrupu: Qafarov Kamaləddin Nəsrəddin oğlu

75. Azərbaycan - Panama parlamentlərarası əlaqələr üzrə işçi qrupu: Kərimzadə Pərvin Orxan qızı

76. Azərbaycan - Paraqvay parlamentlərarası əlaqələr üzrə işçi qrupu: Məmmədov Hikmət Baba oğlu

77. Azərbaycan - Peru parlamentlərarası əlaqələr üzrə işçi qrupu: Alıyev Sahib Eyvaz oğlu

78. Azərbaycan - Polşa parlamentlərarası əlaqələr üzrə işçi qrupu: Fətəliyeva Sevinc Həbib qızı

79. Azərbaycan - Portuqaliya parlamentlərarası əlaqələr üzrə işçi qrupu: Vəliyev Samir Əhməd oğlu

80. Azərbaycan - Rumıniya parlamentlərarası əlaqələr üzrə işçi qrupu: Quliyev Azay Əjdər oğlu

81. Azərbaycan - Rusiya parlamentlərarası əlaqələr üzrə işçi qrupu: Bülbüloğlu Polad

82. Azərbaycan - Serbiya parlamentlərarası əlaqələr üzrə işçi qrupu: İbrahimqızı Məlahət İbrahim qızı

83. Azərbaycan - Səudiyyə Ərəbistanı parlamentlərarası əlaqələr üzrə işçi qrupu: Yıldırım Fatma Vidadi qızı

84. Azərbaycan - Sinqapur parlamentlərarası əlaqələr üzrə işçi qrupu: Məmmədov Məşhur Şahbaz oğlu

85. Azərbaycan - Slovakiya parlamentlərarası əlaqələr üzrə işçi qrupu: Məmmədov Anar İlyaz oğlu

86. Azərbaycan - Sloveniya parlamentlərarası əlaqələr üzrə işçi qrupu: Vəliyev Ağalar İsrəfil oğlu

87. Azərbaycan - Sudan parlamentlərarası əlaqələr üzrə işçi qrupu: Ağamalı Günay Fəzail qızı

88. Azərbaycan - Şimali Kipr Türk Cümhuriyyəti parlamentlərarası əlaqələr üzrə işçi qrupu: Feyziyev Cavanşir Əyyub oğlu

89. Azərbaycan - Şimali Makedoniya parlamentlərarası əlaqələr üzrə işçi qrupu: Mustafa Fazil Qəzənfər oğlu

90. Azərbaycan - Tacikistan parlamentlərarası əlaqələr üzrə işçi qrupu: Mirzəzadə Aydın Böyükkişi oğlu

91. Azərbaycan - Tailand parlamentlərarası əlaqələr üzrə işçi qrupu: Qəhrəmanov Göydəniz İbrahim oğlu

92. Azərbaycan - Tunis parlamentlərarası əlaqələr üzrə işçi qrupu: Əmiraslanov Azər Kamal oğlu

93. Azərbaycan Türkiyə parlamentlərarası əlaqələr üzrə işçi qrupu: Əmiraslanov Əhliman Tapdıq oğlu

94. Azərbaycan - Türkmənistan parlamentlərarası əlaqələr üzrə işçi qrupu: Rüstəmxanlı Tənzilə Yolçu qızı

95. Azərbaycan - Ukrayna parlamentlərarası əlaqələr üzrə işçi qrupu: Məhərrəmzadə Əlibala Səttar oğlu

96. Azərbaycan - Uruqvay parlamentlərarası əlaqələr üzrə işçi qrupu: Zabelin Mixail Yuryeviç

97. Azərbaycan - Venesuela parlamentlərarası əlaqələr üzrə işçi qrupu: Cəfərova Tamam Şaməmməd qızı

98. Azərbaycan - Vyetnam parlamentlərarası əlaqələr üzrə işçi qrupu: Hüseynova Hicran Kamran qızı

99. Azərbaycan - Yaponiya parlamentlərarası əlaqələr üzrə işçi qrupu: Ağazadə Əminə Həmid qızı

100. Azərbaycan - Yeni Zellandiya parlamentlərarası əlaqələr üzrə işçi qrupu: Mollazadə Asim Nazim oğlu

101. Azərbaycan - Yunanıstan parlamentlərarası əlaqələr üzrə işçi qrupu: Məhərrəmov Bəhruz Abdurrəhman oğlu

102. Azərbaycan - Zimbabve parlamentlərarası əlaqələr üzrə işçi qrupu: Süleymanlı Mahir Tahir oğlu.

Milli Məclis məişət tullantılarının tutumlardan (urnalardan) kənar yerlərə atılmasına görə cərimələrin artırılmasını birinci oxunuşda təsdiqlənib.

"Operativ Məlumat Mərkəzi-OMM" xəbər verir ki, bununla bağlı parlamentin bugünkü plenar iclasında İnzibati Xətalar Məcəlləsinə təklif edilən dəyişiklik layihəsi müzakirəyə çıxarılıb.

Dəyişikliyə əsasən, məişət tullantılarının tutumlardan (urnalardan) kənar yerlərə atılmasına görə fiziki şəxslər 300 manat məbləğində, vəzifəli şəxslər 1 000 manat məbləğində, hüquqi şəxslər isə 4 000 manat məbləğində cərimə ediləcək.

Nəzərdə tutulmuş xətanın inzibati tənbeh almış şəxs tərəfindən inzibati tənbeh vermə haqqında qərar qüvvəyə mindiyi gündən bir il ərzində təkrar törədilməsinə görə fiziki şəxslər 1 000 manat məbləğində, vəzifəli şəxslər 1 500 manatdan 2 000 manatadək məbləğdə cərimə ediləcək, yaxud işin hallarına görə, xətanı törədənin şəxsiyyəti nəzərə alınmaqla, altmış saatdan yüz saatadək ictimai işlər tətbiq olunacaq, hüquqi şəxslər isə 5 000 manatdan 7 000 manatadək məbləğdə cərimə ediləcək.

Eyni zamanda məişət tullantılarının buna cavabdeh şəxslər tərəfindən vaxtında xüsusi ayrılmış ərazilərə daşınmamasına görə vəzifəli şəxslər 500 manat məbləğində, hüquqi şəxslər 2 000 manat məbləğində cərimə ediləcəklər.

Bundan başqa, daha bir dəyişikliklə qatarların vaqonlarının pəncərələrindən və ya qapılarından tullantı, yaxud başqa predmetlər atılmasına görə 500 manat məbləğində cərimə ediləcək.

Stansiyaların vestibüllərini, keçidlərini və platformalarını, habelə eskalatoru və vaqonların salonunu zibilləməyə və ya həmin obyektlərin üzərində hər hansı yazılar yazmağa, məhdudiyyət çəpərləri və girişi qadağan edən nişanlar quraşdırılmış yerlərdən stansiyaya daxil olmağa, zərurət olmadan “sərnişin-maşinist” rabitəsindən istifadə etməyə görə cərimənin məbləği 200 manata (hazırda 15 manat) qaldırılır.

Həmçinin dəmir yoluna hər hansı əşya atmağa görə cərimənin məbləği 200 manat (hazırda 30 manat) müəyyən edilir.

Dəyişikliklər səsverməyə qoyularaq birinci oxunuşda təsdiqlənib.

Milli Məclis Azərbaycanda turizm və rekreasiya zonalarının ərazilərində qadağan edilən halları birinci oxunuşda təsdiqləyib.

"Operativ Məlumat Mərkəzi-OMM" xəbər verir ki, bu, Milli Məclisin bugünkü plenar iclasında müzakirəyə çıxarılan “Turizm haqqında” qanuna təklif edilən dəyişiklik layihəsində əksini tapıb.

Dəyişikliyə əsasən, turizm və rekreasiya zonalarının ərazilərində aşağıdakılar qadağan edilir:

- kimya sənayesi, metallurgiya, nüvə energetikası ilə bağlı fəaliyyət,

- iri sənaye müəssisələrinin, texnoloji avadanlıq və maşınqayırma sənayesi müəssisələrinin fəaliyyəti;

- tullantıların zərərsizləşdirilməsi, emalı müəssisələrinin fəaliyyəti, habelə bu məqsədlə qurğuların, poliqonların quraşdırılması ilə bağlı fəaliyyət

- “Ətraf mühitə təsirin qiymətləndirilməsi haqqında” qanunun əlavəsində nəzərdə tutulan fəaliyyət növləri üzrə ətraf mühitə təsirin qiymətləndirilməsi sənədi (MTQ) tərtib edilmədən və həmin sənədin dövlət ekoloji ekspertizası keçirilmədən həyata keçirilən fəaliyyət, habelə ətraf mühitə təsirin qiymətləndirilməsinin aparılması tələb olunmayan, lakin dövlət ekoloji ekspertizasının obyekti olan və dövlət ekoloji ekspertizasının müsbət rəyi olmadan həyata keçirilən digər fəaliyyət

Mövcud dəyişiklik səsverməyə qoyularaq birinci oxunuşda təsdiqlənib.

Azərbaycanın Korrupsiyaya qarşı mübarizə üzrə Komissiyasının üzvlərinin təyin edilməsi, onların dairəsi və səlahiyyət müddətlərini tənzimləyən normaların müəyyənləşməsi birinci oxunuşda təsdiqlənib.

"Operativ Məlumat Mərkəzi-OMM" xəbər verir ki, bu, “Azərbaycan Respublikasının Korrupsiyaya qarşı mübarizə üzrə Komissiyası haqqında Əsasnamənin təsdiq edilməsi barədə” qanuna təklif olunan dəyişiklikdə əksini tapıb.

Layihəyə əsasən, Komissiyanın 5 üzvü müvafiq icra hakimiyyəti orqanının müəyyən etdiyi orqan (qurum) tərəfindən, 5 üzvü Milli Məclis tərəfindən, 5 üzvü isə Konstitusiya Məhkəməsi tərəfindən müəyyən ediləcək.

Layihəyə əsasən, Korrupsiyaya qarşı mübarizə üzrə Komissiyasının üzvlərinin səlahiyyət müddəti 5 il olacaq.

Təklif olunan keçid müddəasına əsasən, bu qanun qüvvəyə minənədək təyin edilmiş Komissiya üzvlərinin 5 illik səlahiyyət müddəti bu qanun qüvvəyə mindiyi gündən hesablanacaq.

Komissiyanın müvafiq icra hakimiyyəti orqanının müəyyən etdiyi orqan (qurum) tərəfindən müəyyən edilən üzvləri hüquq-mühafizə orqanlarının rəhbərləri və müvafiq icra hakimiyyəti orqanının müəyyən etdiyi orqanın (qurumun) vəzifəli şəxsləri sırasından təyin ediləcəklər. Komissiyanın Milli Məclis tərəfindən müəyyən olunan üzvləri deputatlar, Hesablama Palatasının üzvləri və Milli Məclis Aparatının rəhbərliyi sırasından seçiləcək. Komissiyanın Konstitusiya Məhkəməsi tərəfindən təyin edilən üzvləri məhkəmə, prokurorluq, ədliyyə orqanları və Vəkillər Kollegiyasının nümayəndələrindən ibarət olacaq. Komissiyanın sədri onun tərkibindən Komissiya üzvlərinin sadə səs çoxluğu ilə seçiləcək.

Komissiya üzvlərinin səlahiyyətlərinə aşağıdakı hallarda vaxtından əvvəl xitam veriləcək:

- öz arzusu ilə

- tutduğu vəzifədən azad edildikdə;

- barəsində məhkəmənin qanuni qüvvəyə minmiş ittiham hökmü və ya tibbi xarakterli məcburi tədbirlərin tətbiqinə dair qanuni qüvvəyə minmiş qərarı olduqda;

- Azərbaycan vətəndaşlığına xitam verildikdə, başqa dövlətin vətəndaşlığını qəbul etdikdə və ya başqa dövlət qarşısında öhdəlik götürdükdə;
- Komissiyanın nüfuzuna xələl gətirə biləcək hərəkətlərə yol verdikdə;

- fəaliyyət qabiliyyətsizliyi və ya məhdud fəaliyyət qabiliyyəti məhkəmənin qanuni qüvvəyə minmiş qərarı ilə təsdiq edildikdə;

- vəfat etdikdə, yaxud məhkəmə tərəfindən ölmüş və ya xəbərsiz itkin düşmüş elan edildikdə.

Dəyişiklik layihəsi səsverməyə çıxarılaraq birinci oxunuşda təsdiqlənib.

Bakı, Gəncə, Sumqayıt, Şəki və Şirvan Apellyasiya məhkəmələrinə yeni hakimlər təyin edilib.

"Operativ Məlumat Mərkəzi-OMM" xəbər verir ki, yeni təyinatlarla bağlı məsələyə Milli Məclisin bugünkü plenar iclasında baxılıb.

Layihəyə əsasən, Bakı Ağır Cinayətlər Məhkəməsinin hakimləri Faiq Qəniyev və Əli Məmmədov, Bakı Kommersiya Məhkəməsinin hakimi Leyla Əliyeva, Sumqayıt İnzibati Məhkəməsinin hakimi Ceyhun Məmmmədov, Bakı şəhəri Binəqədi Rayon Məhkəməsinin hakimi Nigar Nəbizadə, Bakı şəhəri Suraxanı Rayon Məhkəməsinin hakimi Təranə Məmmədova, Astara Rayon Məhkəməsinin hakimi Zamin İbrahimov Bakı Apellyasiya Məhkəməsinin hakimləri təyin edilib.

Şəki Apellyasiya Məhkəməsinin hakimi Günay Cavadova həmin məhkəmənin hakimi vəzifəsindən azad edilərək Gəncə Apellyasiya Məhkəməsinin hakimi təyin olunacaq. Lənkəran Ağır Cinayətlər Məhkəməsinin hakimi Müşfiq Məmmədov, Tərtər Hərbi Məhkəməsinin hakimi Sevindik Əzizov, Şəki Kommersiya Məhkəməsinin hakimi Rüfət Məcidov vəzifələrinin dəyişdirilməsiylə əlaqədar Gəncə Apellyasiya Məhkəməsinin hakimləri təyin edilib.

Sumqayıt İnzibati Məhkəməsinin hakimi Vəfa Əzizova, Bakı şəhəri Yasamal Rayon Məhkəməsinin hakimləri Toğrul Axundov və Vahid Hacıyev Sumqayıt Apellyasiya Məhkəməsinin hakimləri təyin olunublar.

Azər İsmayılov vəzifəsinin dəyişdirilməsiylə əlaqədar Sumqayıt Apellyasiya Məhkəməsinin hakimi vəzifəsindən azad edilib.

Sumqayıt Kommersiya Məhkəməsinin hakimi Zülfüqar Sadiqov, Balakən Rayon Məhkəməsinin hakimi Zamin Tahirov Şəki Apellyasiya Məhkəməsinin hakimi təyin olunublar.

Şəki Apellyasiya Məhkəməsinin hakimi Mahir Əsədli Şirvan Apellyasiya Məhkəməsinin hakimi təyin ediləcək. Bakı şəhəri Nərimanov Rayon Məhkəməsinin hakimi Aytən Novruzova vəzifəsinin dəyişdirilməsi ilə əlaqədar Şirvan Apellyasiya Məhkəməsinin hakimi təyin olunub. Samir Mayılov da vəzifəsinin dəyişdirilməsiylə əlaqədar Şirvan Apellyasiya Məhkəməsinin hakimi təyin edilib.