ABŞ Təhsil Departamenti Harvard Universitetinin Ağ Evin tələblərini yerinə yetirməyənə qədər yeni federal maliyyə vəsaiti almayacağını açıqlayıb.
"Operativ Məlumat Mərkəzi-OMM" xəbər verir ki, bununla bağlı xarici KİV məlumat yayıb.
Təhsil naziri Linda Makmahon qərarı Harvard Universitetinin rektoruna yazdığı məktubda açıqlayıb.
Makmahon məktubda Harvardın ABŞ-a nifrət edən əcnəbi tələbələri qəbul etməklə ölkənin ali təhsil sistemini ələ saldığını iddia edib.
Prezident Donald Tramp administrasiyasının federal qanunlara əməl etmək öhdəliyi götürdüyü müddətcə Harvarda federal maliyyə yardımını davam etməyə hazır olduğunu xatırladıb.
Departament rəsmiləri bu gün keçirdiyi mətbuat konfransında Harvardın "universitet idarəçiliyində məsuliyyət" nümayiş etdirməyincə, yeni federal tədqiqat fondları üçün uyğun olmayacağını bildiriblər.
