Gürcüstan parlamenti "xarici agentlər haqqında" qanun layihəsini birinci oxunuşda təsdiqləyib.
"Operativ Məlumat Mərkəzi-OMM" xəbər verir ki, bu barədə 'Sputnik" məlumat verib.
Agentlik öz bəyanatında bildirib ki, “Gürcüstan parlamenti “Xarici təsirin şəffaflığı haqqında” qanun layihəsini birinci oxunuşda qəbul edib”.
Qeyd olunub ki, qanun xaricdən dəstək alan qeyri-hökumət təşkilatlarını və KİV-ləri illik bəyannamələrdən əlavə, xüsusi reyestrdə qeydiyyatdan keçirməyi öhdəsinə qoyur.
Qurumun fikrincə, qanunun qüvvəyə minməsi üçün deputatlar qanunu daha iki dəfə dəyərləndirib qəbul etməlidirlər. Yalnız layihə üç oxunuşdan sonra qəbul edildikdən sonra imza üçün Gürcüstan prezidentinə göndəriləcək.