Almaniyada keçirilən futbol üzrə Avropa çempionatının F qrupunda II tura start verilib.

"Operativ Məlumat Mərkəzi-OMM" xəbər verir ki, günün ilk matçında Gürcüstan və Çexiya yığmaları üz-üzə gəliblər.

Qarşılaşma 1:1 hesabı ilə başa çatıb.

Gürcüstanlı Jorj Mikautadze 45+4-cü dəqiqədə penaltidən fərqlənib. 59-cu dəqiqədə Patrik Şik tarazlığı bərpa edib.

Qeyd edək ki, Gürcüstan seçməsi ilk matçda Türkiyəyə (1:3), Çexiya isə Portuqaliyaya (1:2) uduzub.

Bu gün saat 20:00-da Türkiyə - Portuqaliya görüşü gerçəkləşəcək. AVRO-2024 iyulun 14-də başa çatacaq.

Futbol üzrə Misli Premyer Liqasında VIII tura start verilib.

"Operativ Məlumat Mərkəzi-OMM" xəbər verir ki, ilk oyun günündə bir qarşılaşma keçirilib. Açılış matçında “Araz-Naxçıvan” Sumqayıtdakı “Kapital Bank Arena”da “Səbail”i qəbul edib. Oyun nominal ev sahiblərinin 3:2 hesablı qələbəsi ilə yekunlaşıb.

Naxçıvan təmsilçisi 16 xalla 1-ci pilləyə yüksəlib. Bakı klubu isə 4 xalla 8-ci pillədə qərarlaşıb.

Qeyd edək ki, turun digər görüşləri sentyabrın 28-29-da oynanılacaq.

“Sumqayıt” klubu heyətini qapıçı ilə gücləndirib.

"Operativ Məlumat Mərkəzi-OMM" klubun mətbuat xidmətinə istinadən xəbər verir ki, "gənclik şəhəri" təmsilçisi ötən mövsümü "Qəbələ"də keçirmiş Rəşad Əzizli ilə müqavilə imzalayıb.

Qolkiperlə müqavilənin müddəti cari mövsümün sonunadək nəzərdə tutulub. 30 yaşlı qapıçı 94 nömrəli formada çıxış edəcək.

Qeyd edək ki, “Sumqayıt” bu günə qədər Rəhim Sadıxov, Fernando Medeyros, Nikola Vuynoviç, Sərtan Taşqın, Silvanus Nimeli, Alan Dias, Miloş Miloviç və Giorgi Karaişvilinin keçidini reallaşdırıb.

Hücumçu Antoni Qordon "Nyukasl"la yeni müqavilə imzalayıb.

"Operativ Məlumat Mərkəzi-OMM" xəbər verir ki, bu barədə nüfuzlu insayder Fabrizio Romano sosial şəbəkələrdə yazıb.

Məlumata görə, 23 yaşlı Qordon yaxın vaxtlarda "ağsağanlar"la yeni müqavilə bağlayacaq.

Qordonun yeni müqaviləsi 2029-cu ilin ortalarına qədər davam edəcək.

Antoni klubunda ən yüksək maaş alan futbolçulardan birinə çevriləcək.

Serbiyanın "Partizan" klubunun yeni baş məşqçisi müəyyənləşib.

"Operativ Məlumat Mərkəzi-OMM" "Novosti.rs"yə istinadən xəbər verir ki, Belqrad təmsilçisi Savo Miloşeviçlə razılığa gəlib.

51 yaşlı mütəxəssis bu postda Aleksandar Stanoyeviçi əvəz edəcək. 2019-2020-ci illərdə "Partizan"ı çalışdırmış S.Miloşeviç 2023-cü ilin sentyabrından 2024-cü ilin aprelinə qədər Bosniya və Herseqovina millisinin baş məşqçisi olub.

Qeyd edək ki, "Partizan" hazırda Serbiya çempionatında 7 oyundan sonra 11 xalla 9-cu pillədə qərarlaşıb.

"Yuventus"un idman direktoru Kriştiano Giuntoli hücumçu Duşan Vlahoviçlə müqaviləni uzatmaq niyyətində olduğunu açıqlayıb.

"Operativ Məlumat Mərkəzi-OMM" xəbər verir ki, bu barədə jurnalist Fabrizio Romano məlumat yayıb.

“Vlahoviçin böyük perspektivləri var, onun böyük potensialı var. Əminəm ki, biz razılığa gəlib yeni müqavilə imzalayacağıq”, - deyə o qeyd edib.

Vlahoviç 2022-ci ildən “Qoca Sinyora”da çıxış edir. Tərəflər arasında mövcud müqavilə 2026-cı ildə başa çatır.