OMM Redaksiyası
Cari ilin yanvar-fevral aylarında Azərbaycanda fəaliyyət göstərən işəgötürənlər tərəfindən 108 312 manatdan çox vəsaitin işçilərə ödənilməsi gecikdirilib.
“Operativ Məlumat Mərkəzi-OMM” xəbər verir ki, bu barədə rəsmi məlumatı Dövlət Əmək Müfəttişliyi Xidməti yayıb.
Qurumun müdaxiləsindən sonra işəgötürənlərin həmin vəsaitləri işçilərə ödəməsi tam təmin edilib. Gecikdirilmiş vəsaitlərin təyinatı üzrə bölgüsü belə olub:
- 96 faizi — əməkhaqqı ödənişləri
- 4 faizi — müavinət və zərərə görə ödənclər
Eyni zamanda, aparılan araşdırmalar zamanı 26 işçinin əmək müqavilələrinə qanunvericiliyin tələbləri pozulmaqla xitam verildiyi müəyyənləşib. Qanunsuz işdən çıxarılan həmin şəxslər yenidən əvvəlki işlərinə bərpa olunublar.
