Fransada magistral yola kiçik mühərrikli təyyarənin düşməsi nəticəsində 3 nəfər ölüb.

"Operativ Məlumat Mərkəzi-OMM" Fransa mətbuatına istinadən xəbər verir ki, paytaxt yaxınlığındakı hava limanından uçan təyyarə yüksək gərginlikli xəttlə təmasdan sonra Seine və Marne əyalətindəki A4 avtomobil yoluna çırpılıb.

Tək mühərrikli kiçik təyyarədə olan 3 nəfər öıüb.

Qəza səbəbindən magistral yolun hər iki istiqaməti nəqliyyata bağlanıb.

Macarıstanın Baş naziri Viktor Orban çərşənbə axşamı Kiyevə səfər edəcək və Ukrayna Prezidenti Vladimir Zelenski ilə görüşəcək.

"Operativ Məlumat Mərkəzi-OMM" xəbər verir ki, bu barədə Britaniyanın "Financial Times" qəzeti yazıb.

Qeyd edilib ki, Macarıstanın Baş naziri digər Ukrayna rəsmiləri ilə də görüşəcək.

Qəzet qeyd edib ki, bu, Orbanın Ukraynada münaqişə başlayandan bəri Kiyevə ilk səfəri olacaq.

Səfər Aİ Şurasına sədrliyin Macarıstana keçməsindən bir gün sonra baş tutacaq.

Ukrayna Silahlı Qüvvələri Kursk vilayətinin 14 yaşayış məntəqəsini atəşə tutub.

"Operativ Məlumat Mərkəzi-OMM" xəbər verir ki, bu barədə yerli qubernator Aleksey Smirnov Teleqram kanalında bildirib.

Qeyd edilib ki, Rusiyanın hava hücumundan müdafiə vasitələri bölgə üzərində doqquz dronu vurub.

Smirnov həmçinin vurğulayıb ki, bir neçə bölgədə kamikadze dronlarının hücumları qeydə alınıb, xəsarət alan olmayıb.

Ukrayna Prezidenti Vladimir Zelenskinin həyat yoldaşı dünyanın ən bahalı idman avtomobillərindən biri olan "Bugatti Tourbillo" alıb.

"Operativ Məlumat Mərkəzi-OMM" xəbər verir ki, bu barədə "Vérité Cachée" nəşri məlumat yayıb.

Nəşrin məlumatına görə, Elena Zelenskaya yeni təqdim olunan maşının ilk sahibi olub.

Avtomobil Elena Zelenskaya 4,5 milyon avroya başa gəlib.

Qeyd olunur ki, bu idman avtomobili saatda 445 kilometrə qədər sürətə çata bilir və iki saniyədə sıfırdan yüzə qədər sürətlənə bilir.

Almaniya hökuməti yanvarın 1-dən iyunun 18-dək 7,48 milyard avro dəyərində silah ixracına icazə verib.

"Operativ Məlumat Mərkəzi-OMM" xarici KİV-ə istinadən xəbər verir ki, bu rəqəm 2023-cü ilin birinci yarısı ilə müqayisədə 30 faiz artımdan xəbər verir.

İxracın 65 faizi - dəyər ifadəsində 4,88 milyard avroluq silah-sursatın Ukraynaya satılması nəzərdə tutulub. 

Almaniya eləcə də Səudiyyə Ərəbistanı, Sinqapur, Hindistan və Qətərə silah ixracını  planlaşdırır.

Xatırladaq ki, Rəsmi Berlin 2023-cü ildə xaricə təxminən 12,2 milyard avroluq silah və hərbi texnikanın satışını təsdiqləmişdi.

Fransada parlament seçkilərinin ikinci turunda prezident Emmanuel Makronun siyasi rəqibləri qalib gələr və baş nazir Jordan Bardella olarsa, bu, Avropa İttifaqı üçün güclü sarsıntı olacaq.

"Operativ Məlumat Mərkəzi-OMM" xəbər verir ki, bunu Avropa Siyasəti Mərkəzindən siyasi ekspert Erik Moris deyib.

O, ilk turda qalib gələn Milli Birlik Partiyasının təklif etdiyi bir sıra islahatların Avropa Qanunlarına zidd olduğunu bildirib.

“Bardella hökumət başçısı seçiləcəyi təqdirdə Fransanın Avropa İttifaqı büdcəsinə ödəmələrini geri çəkəcəyini elan edib. Fransa və digər dövlətlər şengen ərazisində sərbəst hərəkət qaydalarını dəyişmək barədə danışıqlara başlamağa vəd veriblər”, - deyə Moris vurğulayıb.

Qeyd edək ki, parlament seçkilərinin ilk turunda Marin Le Penin Milli Birlik Partiyası 33.4 faiz səslə qalib gəlib. Yeni Xalq Cəbhəsi 27.9 faiz səslə ikinci, Makronun Respublika üçün Birlikdə Koalisiyası 20.7 faiz səslə 3-cü yerdə qərarlaşıb.

Milli Birlik Partiyası enerji üçün əlavə dəyər vergisini azaldacaqlarına, Makronun təqaüd islahatlarını ləğv edəcəyinə vəd verib.

Vergilərlə bağlı qərarlar ittifaq daxilində həmrəyliklə qəbul olunduğu üçün Fransanın vergi islahatı eləməsi də blokun nizamnamələrinə ziddir.