Fransanın paytaxtı Parisdə yüzlərlə evdə qulluq edən tibb bacısı 2009-cu ildən bəri dəyişməyən maaşlarının artırılması tələbi ilə etiraz aksiyası keçirib.

"Operativ Məlumat Mərkəzi-OMM" xəbər verir ki, bu barədə xarici KİV məlumat yayıb.

Nümayişçilər maaşların artırılmasını tələb etmək üçün toplaşaraq şüarlar, musiqi və fit səslərinin müşayiəti ilə əllərində bayraqlar tutaraq Bastiliya meydanından Səhiyyə Nazirliyinə qədər gediblər.

“Sağlamlıq planı, tibb bacıları qurban verildi”, “Sui-istifadə və alçaldılmalara son”, “Evdə qulluq edən tibb bacıları unudulub, xəstələr təhlükə altındadır” yazılı plakatlar daşıyan iştirakçılar maaşlarının artırılması tələblərini nazirliyə çatdırıblar.

İspaniyanın xarici işlər naziri Xose Manuel Alvarez mayın 10-da Vaşinqtona səfər edəcək.

"Operativ Məlumat Mərkəzi-OMM" xarici KİV-ə istinadən xəbər verir ki, bunu nazir konfransda çıxışı zamanı deyib.

O qeyd edib ki, səfər zamanı ABŞ dövlət katibi Entoni Blinkenlə görüşəcək.

Görüşdə Ukrayna və Yaxın Şərqdəki vəziyyət müzakirə ediləcək.

Mayın 12-də Litva Prezidenti seçkilərində iştirak edə biləcək seçicilərin sayı əvvəlki seçkilərin keçirildiyi beş il ərzində 4% azalıb.

"Operativ Məlumat Mərkəzi-OMM" xarici KİV-ə istinadən xəbər verir ki, bu barədə respublikanın Baş Seçki Komissiyası məlumat verib.

Litvada 2,328 milyon, respublikanın xarici nümayəndəliklərində isə 57,6 min nəfər səs verə bilər.

Daha 79,4 min nəfər yaşayış yerini elan etməyib və ya bir ildən çoxdur ki, etibarlı şəxsiyyət vəsiqəsi yoxdur.

Avropa Yayım Birliyi mayın 11-də İsveçin Malmö şəhərində keçiriləcək "Eurovision" Mahnı Müsabiqəsində Fələstin bayrağı ilə qonaqların içəri buraxılmayacağını açıqlayıb.

"Operativ Məlumat Mərkəzi-OMM" xəbər verir ki, bu barədə xarici KİV məlumat yayıb.

Avropa Yayım Birliyi (EBU) tərəfindən edilən açıqlamada mahnı yarışmasının keçiriləcəyi Malmö Arenaya Fələstin bayrağı və ya siyasi mesaj daşıyan pankartla girməyə cəhd edənlərin dayandırılacağı və onların Fələstin bayraqları və ya pankartları götürüləcək.

Avropa Parlamenti (AP) Avropa İttifaqı (Aİ) ölkələrinin dövlət xərclərinin və büdcə kəsirlərinin azaldılmasına yönəlmiş yeni maliyyə qaydalarını təsdiqləyib.

"Operativ Məlumat Mərkəzi-OMM" xəbər verir ki, bu barədə xarici KİV məlumat yayıb.

Strasburqda keçirilən AP Baş Assambleyasının sessiyasında Aİ-nin yeni maliyyə qaydaları səs çoxluğu ilə qəbul edilib.

Rəqəmsal və yaşıl transformasiya, sosial və müdafiə xərcləri daxil olmaqla müəyyən strateji sahələrə investisiyalar qorunacaq.

Avropa İttifaqı ölkələrinin liderləri Brüsseldə keçirilmiş sammitdən sonra İsrailə hücumla əlaqədar İrana qarşı sanksiyaları genişləndirəcəklərini açıqlayıblar. 

"Operativ Məlumat Mərkəzi-OMM" xarici KİV-ə istinadən xəbər verir ki, məhdudiyyətlərin əksəriyyəti dron və raketlərin istehsalı ilə əlaqəlidir.

Məsələ ilə bağlı ittifaq liderlərinin yaydığı birgə bəyanatında bildirilib ki, blok ölkələri İrana qarşı, xüsusilə dron və raketlərlə bağlı əlavə məhdudlaşdırıcı tədbirlər görəcək. 

Bunun regionda gərginliyin azaldılması və təhlükəsizliyin təmini ilə əlaqəli olduğu qeyd edilib.