OMM Redaksiyası
“Lion”un baş məşqçisi Paulo Fonseka Avropa Liqasının Liqa mərhələsinin ikinci turunda “Kristal Pelas” üzərində qazanılan 3:2 hesablı qələbəni şərh edib.
Lionda oktyabrın 15-də keçirilən görüşün ardından UEFA-nın rəsmi saytına danışan portuqaliyalı mütəxəssis komandasının xüsusilə ilk hissədəki oyunundan razı qaldığını deyib. Onun sözlərinə görə, “Lion” topa nəzarət edib, müdafiədə inamlı çıxış edib və rəqibə qol vəziyyəti yaratmağa imkan verməyib.
Fonseka bildirib ki, hesab 2:0 olduqdan sonra futbolçular üstünlüyü qorumağa daha çox diqqət yetirməyə başlayıblar. Bununla belə, komandanın hücumda yaxşı imkanları olub və meydanda düzgün yanaşma nümayiş etdirib.
Baş məşqçi “Lion”un qələbəyə tam layiq olduğunu vurğulayıb.
