OMM Redaksiyası
UEFA Millətlər Liqasının qrup mərhələsində Finlandiya yığması Albaniyanı 2:1 hesabı ilə məğlub edib. Helsinkidə keçirilən qarşılaşmada meydan sahiblərinin hər iki qolunu “Los-Anceles” klubunun futbolçusu Leo Valta vurub.
Qonaqlar matçın böyük hissəsini azlıqda keçiriblər. Albaniya yığmasının qapıçısı Etrit Berişa qırmızı vərəqə alaraq meydandan qovulub. Berişa İsveçin “Hekken” klubunda çıxış edir.
Qələbə sayəsində Finlandiya C1 qrupunda xallarının sayını 7-yə çatdıraraq liderliyə yüksəlib. Albaniya 6 xalla ikinci pillədə qərarlaşıb.
Oktyabrın 6-da Finlandiya yığması Belarusla qarşılaşacaq. Albaniya isə həmin gün San Marino ilə oyun keçirəcək.
